2 Vimyene 3:20 - Livulu lya Shukulu Kalunga

²⁰ Alikaki mutondo, a simbu yakukombelela, n̄ombelo ya a mutondo na mutondo, mema atundile ku mutambela wa Endome ajalelesele livu.

2 Vimyene 3:20 Iomraidhean Croise

1 Vimyene 18:36

A simbu yakukombelela kwa cingwezi Elinja muka-kwimanena washwenyele ku mutula nakulombela ngwendi, “Shukulu Kalunga, Njambi ya Avilahama, ya Isake, ya Yakomba, ololo mwesa ngeci kuma yove unapu u Njambi ya Isalele, co nange njinapu nji ngamba yove, njalingi vyoshe evi akushika kwove.

2 Vimyene 3:21

Omo vaMowavi vazivile ngeci vaje vimyene vatatu vanaija nakuvalwisa, co vasanene vanalume vaje vaka-kulwa, kushangumuka ku vakulunu kutwala ku vanike, co vavasanene ngeci vakavandamene ku nginga.

Myaso 107:35

Watengulwile mambo kupwa vingunja vya mema, na livu lyakuma kupwa masima a tuvwelu-vwelu.

Myaso 78:20

Mwa vushunga vene omo wapupile ku limanya, mema etile, co vana va vindonga vajalelele, kuma asa lalo kutwana makende, nakwana vanu vendi situ ndi?”

Ndanyele 9:21

Omo njakele nakulombela, Ngambiliyele uje injamwene mu cimona cakulivanga, wapulwile nakwija kuje kunjakele. Yapwile simbu yakukombelela vin̄ombelo vya cingwezi.