2 Vimyene 25:30 - Livulu lya Shukulu Kalunga

³⁰ A litangwa na litangwa, mukuyoya kwendi kwoshe, Yehoyakine vakele nakumwana vimbongo ngeci alande vije vyashakele.

2 Vimyene 25:30 Iomraidhean Croise

1 Vimyene 2:7

“Oloni mwesa ngozi kuli vana va Mbazilai wa ku Ngilyande nakuvanyunga, vakele na ngozi ali yange omo njatewele ndolome yove Avisalome.

Nehemiya 11:23

Kwakele mashiko a vumwene, avemikilile vikota muje muvanapande kwimbilamo mu Njuvo ya Shukulu Kalunga a litangwa na litangwa.

Nehemiya 12:47

A simbu ya Zelumbambele, na a simbu lalo ya Nehemiya, vanu va Isalele voshe vakele nakwana vwana a litangwa na litangwa vwakukwasa vaka-kwimba na vaka-kunyunga ku Njuvo ya Shukulu Kalunga. Co vanu vaanene mulambu wakujela kuli vaLevi, co vaLevi vaanene mutambela wa vije vishakiwa kuli vaka-kukombelela.

Njelemiya 22:26

Yove na vanyoko njikamitwala ku lifuti lya vunzinda. Mukaya ku lifuti lije kumwasemukilile, co muvuvali vweni, mukatsila kuje vene.

Njelemiya 52:34

A litangwa na litangwa mukuyoya kwendi kwoshe, Yehoyakine vakele nakumwana vimbongo ngeci alande vije vyashakele.

Ndanyele 1:5

Ngecivene, mwene washikile lalo lishiko ngeci a litangwa na litangwa vanapande kuvana vyakulya na vinyu vya cifwa cimo ngwe vije vivalinakwana mwene na naanga yendi. Co omo myaka itatu inahu, vanapande kuvanena kuli mwene nakumupangela.

Mateo 6:11

Twane kulya kwetu kwa litangwa lyangongo,

Luka 11:3

Twane kulya kwa a litangwa na litangwa.

Vilinga vya Miluwa 6:1

Munima yevi, omo vandongisi vakele nakupwa vavangi, kwakele vaYunda vaje vendekele ndaka ya ciNgiliki valingile vimata na vaYunda vaje vendekele ndaka ya ciHevelu. VaYunda vaje vendekele ndaka ya ciNgiliki vendekele ngwavo vifwile vavo kuvakele nakuvana vimbongo vya na litangwa na litangwa.