2 Vimyene 25:3 - Livulu lya Shukulu Kalunga

³ A litangwa lyamucitanu na awana ku ngonde yamuciwana ku mwaka uje vene, omwo njala ya lyangengela yapwile yakama manene ngeci vanu kuvakele na vyakulya,

2 Vimyene 25:3 Iomraidhean Croise

2 Vimyene 25:2

co vazengelekele nganda noo mwaka wamulikumi na umo wakushwana kwa Zendekiya.

2 Vimyene 6:24

A simbu imo Mwene Mbenehandande wa ku Silya watwamenenene mashwalale vendi kukalwisa Isalele, co vazengelekele nganda ya Samaliya.

2 Vimyene 6:25

Omwo vazengelekele ije nganda vyakulya vyapwile vyavindondo manene mu nganda, co mutwe wa cimulu vaulandele mavundungulu makumi atanu na atatu a siliva, co litambelo lya kilo lya tuzi twa mayembe valilandele mavundungulu atanu a siliva.

Isaya 3:1

Shukulu Kalunga, Muka-nzili yoshe, natundisa vyuma vyoshe na vanu voshe vaje vavakulaela mu Yelusalema na mu Yunda. Ikeye akavanyeka vyakulya vyavo na mema avo,

Njelemiya 19:9

Vitozi vakazengeleka nganda kweseka kutsiya vanu vamwo. Co kuzengeleka kuje kukapwa kwakukomokesa ngeci vanu va mukati ka nganda, munu akalya munu mukwavo, nameme vana vavo vavenya.’ ”

Njelemiya 37:21

Ngecivene, Mwene Zendekiya washikile ngeci vanjishokele mu cipango ca vaka-kunyunga lipela, co njakele muje, a litangwa na litangwa vakele nakunjana mukasha wa likende, watundile kuli vaka-kwoca makende, noo makende oshe ahwile mu nganda.

Njelemiya 38:2

Shukulu Kalunga nendeka ngwendi, “Woshe akakala muno mu nganda akatsa ku nzita, nambe kulanduka ku njala ya lyangengela, nambe ku mushongo. Oloni woshe uje aya nakuliita kuli vaMbambilone, kuvakamutsii embwe, akayoya.”

Njelemiya 39:2

A litangwa lyamucitanu na awana ku ngonde yamuciwana yapwisile Zendekiya myaka likumi naumo a vumwene, co vaMbambilone valundumwine vivumbe vya nganda.

Njelemiya 52:6

Co a litangwa lyamucitanu na awana ku ngonde yamuciwana mu mwaka uje vene, omo njala ya lyangengela yapwile yakama manene mu nganda, ngeci vanu kuvakele na vyakulya,

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 5:10

Mu ngila eyi, visemi va mu Yelusalema vakalya vana vavo, na vana lalo vakalya visemi vavo. Njikaminyanyamesa, co vaje vakasalao na myonyo njikavashandwela ku mitambela yoshe.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 7:15

Vanu valinakulwa nzita mu vitapalo, co mu vinjuvo muli mishongo na njala. Munu woshe uje ali anja ya lifuti akatsila mu nzita, co vanu voshe vali mu nganda vakakwatiwa na mushongo na njala ya lyangengela.

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.

Zakaliya 8:19

“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”