2 Vimyene 25:27 - Livulu lya Shukulu Kalunga

²⁷ Mu mwaka uje omo Evilemelondake wapwile mwene wa Mbambilone, co wamwesele ngozi kuli Mwene Yehoyakine wa mu Yunda akumutundisa mu kamenga. Eci calingiwile a litangwa lyamumakumi avali na atanu na avali ku ngonde yamulikumi na vivali mu mwaka wamumakumi atatu na myaka itanu na ivali kutunda aje vatwalelele Yehoyakine ku vunzinda.

2 Vimyene 25:27 Iomraidhean Croise

Kushangumuka 40:13

Kukaita matangwa atatu, mwene akakwecela nakukwana lisesa lyakukwilwisila mu mwela wove. Co ukamwana nganja yendi ngwe muwalingile laja omo wapwile u mwata wakwana vinyu vyendi.

Kushangumuka 40:20

A litangwa lyamucitatu, lyapwile litangwa lyakwanuka kusemuka kwa mwene, mwene walingilile vangamba vendi ciwano cakulya. Co watuwisile mwata wakumwana vinyu na uje mwata wa vaka-kwoca makende, vavanenele ku mesho a vamyata vendi.

2 Vimyene 24:12

co Mwene Yehoyakine na vaina na vana vendi na vamyata, valiitile kuli vaMbambilone. Mu mwaka wamucitanu na itatu wakushwana kwa Nevukaneza, Nevukaneza wakwatele Yehoyakine nakumupwisa cinzinda,

2 Vimyene 24:15

Nevukaneza watwalele Yehoyakine ku Mbambilone kupwa cinzinda, amolika na vaina ya Yehoyakine na vanakazi vendi na vamyata vendi na vantwama va mu Yunda.

Visimo 21:1

Mbunge ya mwene yakala mu livoko lya Shukulu Kalunga, akayendesa ngwe muje mwakendesa mema a mu muta.

Njelemiya 22:26

Yove na vanyoko njikamitwala ku lifuti lya vunzinda. Mukaya ku lifuti lije kumwasemukilile, co muvuvali vweni, mukatsila kuje vene.

Njelemiya 28:4

Co lalo njikelwisa mwene wa mu Yunda, na Yehoyakine muna Yehoyakime, amolika na vanu voshe va mu Yunda, vaje vaile mu vunzinda mu Mbambilone. Eyo, njikamanesa nzili ya mwene wa Mbambilone. Yange Kalunga, njinendekamo.”

Njelemiya 38:17

Asinoni njalekele Zendekiya ngwange Shukulu Kalunga Muka-nzili yoshe, Njambi ya Isalele nendeka ngwendi, “Zendekiya nga uliita kuli vamyata va mwene wa Mbambilone, kuvakakutsii, na nganda eyi kuvakayenyeka, yove na naanga yove mukayoya.