2 Vimyene 25:25 - Livulu lya Shukulu Kalunga

²⁵ Oloni ku ngonde yamucitanu na vivali mu mwaka uje vene, Ishimela, muna Netaniya mutekulu wa Elishama, uje wapwile wa ku naanga ya vumwene, waile ku Mizipa amo na vanalume likumi, wakalwisile Ngendaliya, nakumutsiya. Co watsiile lalo vaIsalele na vaMbambilone vaje vakele amolika nendi kuje.

2 Vimyene 25:25 Iomraidhean Croise

2 Vimyene 11:1

Omo Ataliya vaina ya Mwene Ahaziya wazivile a kutsa kwa munendi, co washikile ngeci vatsiye vanu voshe va ku naanga ya vumwene.

2 Vimyene 25:24

Ngendaliya wendekele kuli vakevo ngwendi, “Kesi muzive lyova lya vamyata va vaMbambilone. Tungeni mu lifuti lino, nakupangela mwene wa Mbambilone, co vyoshe vikapwa vyavivwa kuli yeni.”

Njelemiya 40:15

Asinoni Yohanane wendekele nendi mu vushweke ngwendi, “Njitave njikatsiye Ishimela, naumo wai akazivuka uje namutsii. Vikajo vyakutsiila? Eci cikalingisa vaYunda voshe vaje vanakunguluka kuli yove ngeci valishandoke, eci cikanena vukalu ali vanu voshe vaje vanasalao mu Yunda.”

Njelemiya 41:1

Mu ngonde yamucitanu na vivali ku mwaka uje vene, Ishimela, muna Netaniya mutekulu wa Elishama, wa ku naanga ya vumwene, uje wapwile umo wa vakulunu vakama va mwene, waile ku Mizipa na vanalume likumi mukumona Nguvulu Ngendaliya. Omo voshe vakele nakulya vyakulya amo,

Njelemiya 41:2

Ishimela na vaje vanalume likumi vezile nendi, vashomwene mikwale yavo, co vatsiile Ngendaliya.

Njelemiya 41:3

Ishimela watsiile lalo vaIsalele voshe vaje vakele amo na Ngendaliya ku Mizipa, nakutsiya lalo mashwalale va Mbambilone vaje vakele kuje.

Zakaliya 7:5

Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe.

Zakaliya 8:19

“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”