2 Vimyene 25:21 - Livulu lya Shukulu Kalunga

²¹ mu lifuti lya Hamate. Co mwene wa Mbambilone wavapupile nakuvatsiya. Ngecivene, vanu va mu Yunda vavatundisile mu lifuti lyavo nakuvatwala mu vunzinda.

2 Vimyene 25:21 Iomraidhean Croise

1 Vimyene 8:46

“Omo vanu vove valinga vuvi ku mesho ove, omwo kukwesi munu wa kulinga vuvi, cooni mu vukalu vwove wecelela vitozi vavo vavafungulule nakuvatwala ku lifuti lyeka ngwe vinzinda, nameme nga lifuti lije lili kulyala,

2 Vimyene 17:20

Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

2 Vimyene 23:27

Shukulu Kalunga wendekele ngwendi, “Njikalinga ku Yunda ngwe vije vinjalingile ku Isalele, njikatundisa vanu va mu Yunda ku mesho ange, co njikavyana Yelusalema, nganda ije injaangwile, na Njuvo yange mwela uje njendekele ngwange lizina lyange vakalilemesela kuje.”

2 Vimyene 24:15

Nevukaneza watwalele Yehoyakine ku Mbambilone kupwa cinzinda, amolika na vaina ya Yehoyakine na vanakazi vendi na vamyata vendi na vantwama va mu Yunda.

Njelemiya 16:13

Ngecivene, njikamyumbila anja ya lifuti eli, njikamitwala mu lifuti lije yeni nambe vakukulwila veni kumwalizivukile. Kuje mukapangela vinjambi veka mutanya na vutsiki, co kunjikamizivila mema ku mbunge!’ ”

Njelemiya 52:27

mu lifuti lya Hamate. Co mwene wavapupile nakuvatsiya. Ngecivene, vanu va mu Yunda vavatundisile mu lifuti lyavo nakuvatwala ku vunzinda.

Mbimbi 4:16

Shukulu Kalunga kombileko mbunge lalo kuli vakevo, ikeye vavenya wavashandwele. Kasingimikile nameme vaka-kukombelela vetu, nambe vantwama vetu.

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Amose 5:27

omo njimitwala mu vunzinda musambwa ya lifuti lya Ndamasiku.” Mwalinakwendeka Shukulu Kalunga, lizina lyendi ikeye Njambi Muka-nzili yoshe.

Kwituluka mu Mashiko 28:36

“Shukulu Kalunga akamitwala, na mwene yeni uje mukaangula ku lifuti lya vungenzi, lije kumwazivukile yeni nambe vakukulwila veni. Kuje mukapangela vinjambi vakushonga va viti na mamanya.

Kwituluka mu Mashiko 28:64

“Shukulu Kalunga akamishandwela akati ka miyati yoshe ya ano asi, co kuje mukapangela vinjambi vakushonga va viti na mamanya, vinjambi vaje nambe yeni nambe vakukulwila veni kumwavazivukile.

Kwituluka mu Mashiko 29:27

Ngecivene, vukalu vwa Shukulu Kalunga vavushambeyeye a lifuti lyavo ngeci visingo vyoshe vivasonekele mu livulu eli vavilingile,

Kwituluka mu Mashiko 4:26

Nga mukalingamo, co mukanyongela mu lifuti lije limukashwana lili musambwa ya Yondau. Kumukatumisa matangwa eni mu lifuti lije oloni muvavoshe mukanyonga njwa, omwo lilu na asi vinapu vukaleo vwange ku litangwa lya lelo.