2 Vimyene 25:15 - Livulu lya Shukulu Kalunga

¹⁵ Co vambatele tumalonga twatundondo na vikango vyakwambatela manungu a tuhya.

2 Vimyene 25:15 Iomraidhean Croise

1 Vimyene 7:40

Hulame lalo washongele vindeo, na vifwosholo, na malonga. Co wamanesele vipangi vyendi vyoshe vya Mwene Solomoni vya mu Njuvo ya Shukulu Kalunga.

2 Vimyene 25:14

Co vatwalele lalo vifwosholo, na malonga akukombela lito vije vapangesele akukomba ku mutula, co vambatele vivala vyakuzimisa vindeya, na malonga aje avapangesele mukukwatelao maninga a vin̄ombelo, na malonga aje avapangesele mukwenyeka insense, na vivala vyoshe vya vunengu vije vapangesele mu Njuvo ya Shukulu Kalunga.

2 Vimyene 25:16

Na vivala vya vunengu vije vyalingile Mwene Solomoni vya mu Njuvo ya Shukulu Kalunga, vimanda vivali na vwimaneno na lizau lyakama na vyuma vyoshe vije vivalingile na ngolinde na siliva, vije vyapwile vyakulema manene kuvasele kuvipeselesa.

2 Mizimbu 24:14

Omo vamanesele kuyivwaesa, co vanenele ngolinde na siliva vije vyasaleleo kuli mwene na kuli Yehoyanda, vakevo vaipangesele kulinga malonga na vivala vikwavo vya mu Njuvo ya Shukulu Kalunga. Omo Yehoyanda wakele nakuyoya, vakele nakukombelela vin̄ombelo ku Njuvo ya Shukulu Kalunga a simbu na simbu.

Kutuuka 37:23

Co wafulile vindeya vitanu na vivali a citumbikilo cavyo, wafulile vimana vyavyo na malonga akushalamena a ngolinde yakujela.

Njelemiya 52:19

Co vambatele tumalonga twatundondo, na vikango vyakwambatela manungu a tuhya, na malonga aje vapangesele mukukwatelao maninga a vin̄ombelo, na malonga akukwatela lito, na citumbikilo ca vindeya, na malonga akukunama akukwatela insense, na malonga akukunama akupangesa mukwitila vin̄ombelo vya vinyu, na vyuma vyoshe vije vavilingile na ngolinde na siliva.