2 Vimyene 25:14 - Livulu lya Shukulu Kalunga

¹⁴ Co vatwalele lalo vifwosholo, na malonga akukombela lito vije vapangesele akukomba ku mutula, co vambatele vivala vyakuzimisa vindeya, na malonga aje avapangesele mukukwatelao maninga a vin̄ombelo, na malonga aje avapangesele mukwenyeka insense, na vivala vyoshe vya vunengu vije vapangesele mu Njuvo ya Shukulu Kalunga.

2 Vimyene 25:14 Iomraidhean Croise

1 Vimyene 7:40

Hulame lalo washongele vindeo, na vifwosholo, na malonga. Co wamanesele vipangi vyendi vyoshe vya Mwene Solomoni vya mu Njuvo ya Shukulu Kalunga.

1 Vimyene 7:45

vindeo, na vifwosholo, na malonga. Co vyoshe vije vyapwile vivala vya mu Njuvo ya Shukulu Kalunga, vije Hulame walingilile Mwene Solomoni, vyoshe vyapwile vyakukwita mufwitilo wa vunengu.

2 Vimyene 25:15

Co vambatele tumalonga twatundondo na vikango vyakwambatela manungu a tuhya.

2 Mizimbu 24:14

Omo vamanesele kuyivwaesa, co vanenele ngolinde na siliva vije vyasaleleo kuli mwene na kuli Yehoyanda, vakevo vaipangesele kulinga malonga na vivala vikwavo vya mu Njuvo ya Shukulu Kalunga. Omo Yehoyanda wakele nakuyoya, vakele nakukombelela vin̄ombelo ku Njuvo ya Shukulu Kalunga a simbu na simbu.

2 Mizimbu 4:16

Co lalo na vindeo, na vifwosholo, na vimbonde vya mishomo. Vyoshe evi vyapwile vivala vya mu Njuvo ya Shukulu Kalunga, vije Hulame walingilile Mwene Solomoni. Vyoshe vyapwile vyakukwita mufwitilo wa vunengu.

Kutuuka 25:38

Co fula vimana vyawo na malonga akushalamena a ngolinde yakujela.

Kutuuka 27:3

Fula mapanda akukundwila lito, vifwosholo, na tulonga, na vikwateso, na mapanda akwambatela tuhya a liko. Vyoshe evi vyakupangesa vipwe vyakufula na vunengu.

Kutuuka 38:3

Wafulile lalo vivala vyoshe vya mutula, mapanda, na vifwosholo, na tumalonga, na vikwateso, na mapanda akwambatela tuhya. Vyoshe evi wavipangesele vunengu.

Njelemiya 52:18

Co vatwalele lalo vifwosholo, na malonga akukwatela lito, aje vapangesele mukukomba ku mutula, co vambatele vivala vyakuzimisa vindeya, na malonga aje vapangesele mukukwatelao maninga a vin̄ombelo, na malonga aje vapangesele mukwenyeka insense, na vivala vyoshe vya vunengu vije vapangesele mu Njuvo ya Shukulu Kalunga.