2 Vimyene 25:12 - Livulu lya Shukulu Kalunga

¹² oloni wasezele mu Yunda vanu vamo vakuutwa manene, co wavapwisile vaka-kupanga mu mahya a mikolovozi ya vushuka vwa vinyu na mu mahya.

2 Vimyene 25:12 Iomraidhean Croise

2 Vimyene 24:14

Nevukaneza watwalele vanu va mu Yelusalema kuvapwisa vinzinda, na vana va vimyene voshe na vantwama voshe va mu Yunda, voshe vapwile 10,000. Co lalo watwalele vanu voshe vatongwe na vaka-kufula, wasezelemo tuutu lika mu Yunda.

2 Vimyene 24:15

Nevukaneza watwalele Yehoyakine ku Mbambilone kupwa cinzinda, amolika na vaina ya Yehoyakine na vanakazi vendi na vamyata vendi na vantwama va mu Yunda.

2 Vimyene 24:16

Nevukaneza watwalele vanu voshe va vulemu ku Mbambilone, voshe vapwile 7,000, co lalo watwalele vatongwe, amolika na vaka-kufula na voshe vanalume va nzili vaje vasele kupanga vipangi vya vushwalale.

2 Mizimbu 24:14

Omo vamanesele kuyivwaesa, co vanenele ngolinde na siliva vije vyasaleleo kuli mwene na kuli Yehoyanda, vakevo vaipangesele kulinga malonga na vivala vikwavo vya mu Njuvo ya Shukulu Kalunga. Omo Yehoyanda wakele nakuyoya, vakele nakukombelela vin̄ombelo ku Njuvo ya Shukulu Kalunga a simbu na simbu.

Nehemiya 1:2

Hanani, umo wa vandolome vange, wezile na vanalume vamo kutunda ku Yunda, co njavehwile vya a Yelusalema na ali vavushoko vwetu vaYunda vaje vasaleleo kuvaile ku vunzinda ku Mbambilone.

Isaya 24:6

Ngecivene, Njambi natumbwila kaye cisingo. Co vanu vao valinakutsa omwo vuvi vwavo. Vavandondo-ndondo lika vanasalao vaciyoya.

Njelemiya 39:10

Co wasezele vamo vanu mu lifuti lya Yunda vaje vapwile tuutu, co wavanene vitungu vya mikolovozi ya vushuka vwa vinyu na mahya.

Njelemiya 40:7

Vamyata vamo va vaYunda na mashwalale vakevo kuvaliitile. Vazivile ngwavo mwene wa Mbambilone napwisa Ngendaliya nguvulu wa lifuti, co namupwisa muka-kukenga voshe vaje kuvavatwalele ku Mbambilone, vaka-kuutwa vaje vakele mu lifuti.

Njelemiya 52:16

Oloni wasezele mu Yunda vanu vamo vaka-kuutwa, co wavapwisile vaka-kupanga mu mahya a mikolovozi ya vushuka vwa vinyu, na mu mahya.

Ezekiyele 33:24

“Muna munu, vanu vaje valinakuyoya mu vinganda vije vinasiwuka vya mu lifuti lya Isalele valinakwendeka ngwavo, ‘Avilahama wapwile munu umolika, co vamwanene lifuti lyoshe. Yetu tunapu tuvavangi, ngecivene, ololo lifuti linapu lyetu!’