2 Vimyene 25:11 - Livulu lya Shukulu Kalunga

¹¹ Asinoni Nevuzalandane watwalele mbunga ya vanu ku Mbambilone, vaje vasalele mu nganda, vaka-vipangi vya vutongwe, na vanu vaje valiitile kuli vaMbambilone,

2 Vimyene 25:11 Iomraidhean Croise

2 Mizimbu 36:20

Watwalele vanu vaje vasaleleo ku Mbambilone, co vakamupangelele ikeye nakupangela lalo vatekulwila vendi ngwe vindungo, nakweta ku vushwana vwa Vumwene vwa Pelesha.

Ezela 2:1

Vinzinda vavangi vatundile mu lifuti lya Mbambilone velukile ku Yelusalema na ku Yunda, munu na munu welukile kwimbo lyendi. Naanga yavo vakele mu vunzinda mu Mbambilone tunde aje Mwene Nevukaneza wavatwalele kuje kupwa vinzinda.

Myaso 144:14

Vingombe vyetu vasemunwine nakutuma manene-nene, kujeneka kupulumwisa, nambe kwonwa kusema. Mu vitapalo vyetu lalo kesi mukale mitambi yakulila embwe.

Njelemiya 32:28

Njikana nganda eyi kuli Mwene Nevukaneza wa Mbambilone na ku mbunga yendi ya mashwalale, vakaifungulula

Njelemiya 39:9

Akukotoka Nevuzalandane, muka-kushika wa vaka-kunyunga watwalele vaje vasalele mu nganda ku Mbambilone kupwa vinzinda, amolika na vaje valiitile kuli Nevukaneza.

Njelemiya 52:12

A litangwa lyamulikumi, ku ngonde yamucitanu mu mwaka wamulikumi na itanu na iwana wakushwana kwa Mwene Nevukaneza wa Mbambilone, Nevuzalandane, muka-kunangula mwene, na muka-kushika mashwalale vendi, wakovelele mu Yelusalema.

Njelemiya 52:15

Asinoni Nevuzalandane watwalele vanu ku Mbambilone vaje vasalele mu nganda vaka-vipangi vya vutongwe, na vaje valiitile kuli vaMbambilone.

Njelemiya 52:30

co mu mwaka wendi wamumakumi avali na itatu, Nevuzalandane wambatele vanu vakupwa 745. Co voshe amolika vapwile 4,600, vanu vakutunda mu Yunda kuya ku Mbambilone.

Ezekiyele 12:11

Valeke ngwove vije viwunalingi vinapu cimweso ca vije vikalingiwa kuli vakevo, vakavafungulula nakuvapwisa vinzinda.

Ezekiyele 17:21

Mashwalale vendi va nzili vakavatsiila mu nzita, co vaje vakasalao vakalishandokela mu mitambela yoshe. Asinoni mukazivuka ngeci yange Kalunga, njinendekamo.”

Ezekiyele 5:2

Enyekela mutambela wamucitatu wa vin̄ambu mu nganda omo nzita inahu. Co nona mutambela ukwavo wamucitatu nakuutetanga na mukwale wove omo ulinakulizenga ku nganda. Umbila mutambela uje wanasalao wamucitatu mu lihunzi, co njikavakava na mukwale wange.

Kwituluka mu Mashiko 28:36

“Shukulu Kalunga akamitwala, na mwene yeni uje mukaangula ku lifuti lya vungenzi, lije kumwazivukile yeni nambe vakukulwila veni. Kuje mukapangela vinjambi vakushonga va viti na mamanya.