2 Vimyene 25:1 - Livulu lya Shukulu Kalunga

¹ Zendekiya watengulukilile Mwene Nevukaneza wa ku Mbambilone nakumulwisa, co Nevukaneza wezile na mashwalale vendi voshe, walwisile Yelusalema a litangwa lyamulikumi ku ngonde yamulikumi mu mwaka wamucitanu na iwana wakushwana kwa Zendekiya. Co vatungile cilombo cavo anja ya nganda, valingile mikinya noo vetele ku vivumbe vya nganda,

2 Vimyene 25:1 Iomraidhean Croise

2 Vimyene 24:1

Omo Yehoyakime wapwile mwene, co Mwene Nevukaneza wa ku Mbambilone walwisile Yunda, co Yehoyakime waliitile ku mashiko endi myaka itatu, asinoni Yehoyakime wamutengulukilile.

2 Vimyene 24:10

Yapwile simbu yakushwana kwendi omo mbunga ya mashwalale vaMbambilone, vaje vavatwamenenene vamyata va Mwene Nevukaneza, vezile nakuzengeleka Yelusalema nakuyilwisa.

2 Vimyene 25:2

co vazengelekele nganda noo mwaka wamulikumi na umo wakushwana kwa Zendekiya.

2 Vimyene 25:8

A litangwa lyamucitanu na avali ku ngonde yamucitanu mu mwaka wamulikumi na itanu na iwana wakushwana kwa Mwene Nevukaneza wa Mbambilone, Nevuzalandane muka-kunangula mwene na muka-kushika mbunga ya mashwalale vendi, vakovelele mu Yelusalema.

1 Mizimbu 6:15

Yehozandake waile vunzinda, omo Shukulu Kalunga waanene Yunda na Yelusalema mu mavoko a Nevukaneza.

2 Mizimbu 36:11

Zendekiya wapwile mwene wa mu Yunda omo wakele na myaka makumi avali na mwaka umo, co washwanene mu Yelusalema myaka likumi na umo.

Isaya 29:3

Njambi akalwisa nganda, nakuyizengeleka, nakuyivandamena.

Njelemiya 21:2

“Twendekeleko kuli Shukulu Kalunga, omwo Mwene Nevukaneza wa ku Mbambilone ashaka kutulwisa. Amo Shukulu Kalunga akalinga cikomokeso cimo ngeci Nevukaneza eluke.”

Njelemiya 27:8

“Oloni nga muyati umo nambe vumwene vumo kuvalikeesa ku mashiko endi, co njikanyanyamesa uje muyati na nzita, na njala ya lyangengela, na mushongo noo njikatavesa Nevukaneza kunyongesa uje muyati.

Njelemiya 32:1

Shukulu Kalunga wendekele kuli yange mu mwaka wamulikumi uje Zendekiya wapwile mwene wa mu Yunda, ukewo lalo mwaka wamulikumi na itanu na itatu wakushwana kwa Mwene Nevukaneza wa Mbambilone.

Njelemiya 32:2

A simbu ije vene, mbunga ya mashwalale va mwene wa Mbambilone valwisile Yelusalema, co yange vanjipatelele mu cipango ca vaka-kunyunga lipela.

Njelemiya 32:24

“VaMbambilone vanalundika mikinya kuzengeleka Yelusalema ngeci vailwise, vanu vali mu vukalu vwa njala ya lyangengela na mishongo, co nganda vakayana ku mavoko a vaMbambilone vaje valinakuyilwisa. Co vyoshe viwendekele vinapu vya vushunga.

Njelemiya 32:28

Njikana nganda eyi kuli Mwene Nevukaneza wa Mbambilone na ku mbunga yendi ya mashwalale, vakaifungulula

Njelemiya 4:17

co vakazengeleka Yelusalema ngwe vanu vanyunga lihya, omwo vanu vamwo vanatengulukila Shukulu Kalunga nakumulwisa. Shukulu Kalunga nendekamo.

Njelemiya 43:10

Asinoni valeke ngwove yange Kalunga Muka-nzili yoshe, Njambi ya Isalele, njikanena ngamba yange Mwene Nevukaneza wa ku Mbambilone ku mutambela uno, co njikaka litanda lyendi akamwa ya mamanya awa unashitika, co akashimbikilao mbalaka yendi ya vumwene.

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Njelemiya 51:34

Mwene Nevukaneza wa Mbambilone natete Yelusalema nakuyilya. Napwisa nganda ngwe njava yamupulungwa, naleula nganda ngwe cikashama. Wambatele vije vyashakele nakumbila kuti vije kashakele.

Njelemiya 52:1

Zendekiya wakele na myaka makumi avali na mwaka umo omo wapwile mwene wa mu Yunda, co washwanene mu Yelusalema myaka likumi na umo. Lizina lya vaina lyapwile Hamutale muna Njelemiya uje wakele mu nganda ya Limbena.

Njelemiya 6:3

tunyungi vakatungilako vilombo vyavo. Co vakashimbikako vimbalaka vyavo kuzengeleka nganda, co munu na munu akashimbika mbalaka yendi kuje kwoshe kwanashaka.

Ezekiyele 21:14

“Ngecivene, muna munu, ambulula vuka-kwimanena. Kanda vimbanda na mavoko ove, co mukwale ukavativa kwilukilao nakwilukilao. Ou unapu mukwale wakutsiisa, mukwale wakujujwisa nakutsiya.

Ezekiyele 26:7

Shukulu Kalunga wa Akamwa ya Vyoshe nendeka ngwendi, “Njikashaka mwene wakama manene kutuvakana voshe, ikeye Mwene Nevukaneza wa ku Mbambilone mukulwisa Tile. Akaija kutundilila ku kunto na mahunzi a mbunga ya mashwalale na tuvalu na matemba na vaka-kulonda a tuvalu.

Ezekiyele 40:1

Lyapwile litangwa lyamulikumi lya mwaka wauha, uje wapwile mwaka wamumakumi avali na itanu, omo vanatutwala laja ku vunzinda, na mwaka wamulikumi na iwana munima yakufungulula Yelusalema. A litangwa lije vene nzili ya Shukulu Kalunga yezile ali yange, co wanjitwalele ku Yelusalema.

Zakaliya 8:19

“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”

Kwituluka mu Mashiko 28:52

Vakalwisa nganda na nganda ije ili mu lifuti lije lyakamyana Shukulu Kalunga Njambi yeni, na vivumbe vyakukola vyavilaja, vije mwakulaela vikasiwuka.