2 Vimyene 24:3 - Livulu lya Shukulu Kalunga

³ Eci calingiwile akushika kwa Shukulu Kalunga, ngeci anyongese vanu va mu Yunda avatundise ku mesho endi omwo vuvi vwoshe vuje vwalingile Mwene Manase,

2 Vimyene 24:3 Iomraidhean Croise

Kushangumuka 50:20

Yeni mwanjiyongwele kunjilinga mwamuvi, oloni vuvi ovu Njambi wavutengulwile kuvupwisa vuvwa, ngeci vanu vavangi vayoye, ava vacili nakuyoya na lelo lino, omwo a cuma eci calingiwile.

2 Vimyene 17:18

Shukulu Kalunga waluvalele na vaIsalele, co kashakele kuvamona, wasezele lika vumwene vwa Yunda.

2 Vimyene 17:20

Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

2 Vimyene 18:25

Kuma wayongola ngwove njinalwisa lifuti lyove nakulinyongesa kwakujeneka Shukulu Kalunga kunjikwasa ndi? Shukulu Kalunga vavenya ikeye wanjilekele kulilwisa nakulinyongesa.”

2 Vimyene 21:16

Manase watsiile vanu vavangi vakujeneka mulonga, co mu vitapalo vya mu Yelusalema mwoshe mwakele nakwita maninga, walingile evi mukutwamenena vanu va mu Yunda ku tumponya, kuvalingisa vuvi ku mesho a Shukulu Kalunga.

2 Vimyene 24:20

Co Shukulu Kalunga waluvalele manene na vanu va mu Yelusalema na mu Yunda ngeci wavatundisile ku mesho endi.

2 Mizimbu 24:24

Mashwalale va Silya vapwile vavandondo manene, oloni Shukulu Kalunga watavele ngeci vafungulule mashwalale vavangi va vaYunda omwo vanu vavyanene Shukulu Kalunga Njambi ya vakukulwila vavo. Mu ngila eyi mukemwo muvahisilile Mwene Yowashe.

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Isaya 45:7

Yange njitanga ceke na lisusulungu, njinena vivezikiso nakuvindama na tuyando. Yange Kalunga, muka-kulinga vyuma evi vyoshe.

Njelemiya 32:31

Vanu va mu nganda eyi vananjiluvalesa manene kutunda ku litangwa lije vaitungile. Ngecivene, njayongola kuyinyongesa,

Njelemiya 52:28

Ovu vukevwo vungi vwa vanu va mu Yunda vaje vaatwalele Nevukaneza ku vunzinda ku Mbambilone. Omwo Nevukaneza washwanene myaka itanu na ivali wambatele vanu vakupwa 3,023,

Ezekiyele 22:3

Leka nganda vije vinjendeka yange Kalunga wa Akamwa ya vyoshe ngwove, ‘Yelusalema, yove unapu nganda ije ilinakutsiya vanu vaje valinakukalamo, omwo ulinakulijwalesa akulemesa tumponya, simbu yove inete.

Ezekiyele 24:6

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Inavindama nganda ya vaka-kutsiya! Ikeyo inalifu ngwe ndeo ya n̄alawe ije kuvesi kuvwaesa. Vatundisamo cipuka cimo na cimo noo vipuka vyoshe vinahu.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

Mika 2:10

Katukeni muye, kukwesi mwamuvwa lalo kuno embwe. Vuvi vweni vunaviisa uno mutambela nakuunyongesa woshe njwa.

Kwituluka mu Mashiko 28:63

Ngwe mwavwaelelele Shukulu Kalunga akumivezikisa nakumitumisa, co a ngila eyi vene akavwaelela akumiyandesa nakuminyongesa. Co vakamitundisa mu lifuti lije mulinakukovela nakulishwana.

Kwituluka mu Mashiko 29:28

co Shukulu Kalunga waluvalele manene, co wavatundisile mu lifuti lyavo, wavombilile mu lifuti lyeka, mukemwo muvacili nakweta ku litangwa lya lelo.’

Yoshwa 23:15

Ngwe omo ikeye wanyungile vikulaeso vyoshe vije vyalingile kuli yeni, ngecivene, Shukulu Kalunga akanena vyuma vyoshe vyavivi ali yeni, noo naminyongesa mu lifuti eli lyalivwa lyanamyana Shukulu Kalunga Njambi yeni.