2 Vimyene 24:15 - Livulu lya Shukulu Kalunga

¹⁵ Nevukaneza watwalele Yehoyakine ku Mbambilone kupwa cinzinda, amolika na vaina ya Yehoyakine na vanakazi vendi na vamyata vendi na vantwama va mu Yunda.

2 Vimyene 24:15 Iomraidhean Croise

2 Vimyene 20:18

Vatekulwila vove vamo va a mbunge vakavatwala, co vakavapwisile vayunuke ngeci vakapange mu lipela lya mwene wa ku Mbambilone.”

2 Vimyene 24:8

Yehoyakine wakele na myaka likumi na itanu na itatu omo wapwile mwene wa mu Yunda, co washwanene mu Yelusalema vingonde vitatu. Vaina vapwile Nehusheta, muna Elenatane wa ku Yelusalema.

2 Vimyene 25:12

oloni wasezele mu Yunda vanu vamo vakuutwa manene, co wavapwisile vaka-kupanga mu mahya a mikolovozi ya vushuka vwa vinyu na mu mahya.

2 Vimyene 25:21

mu lifuti lya Hamate. Co mwene wa Mbambilone wavapupile nakuvatsiya. Ngecivene, vanu va mu Yunda vavatundisile mu lifuti lyavo nakuvatwala mu vunzinda.

2 Vimyene 25:27

Mu mwaka uje omo Evilemelondake wapwile mwene wa Mbambilone, co wamwesele ngozi kuli Mwene Yehoyakine wa mu Yunda akumutundisa mu kamenga. Eci calingiwile a litangwa lyamumakumi avali na atanu na avali ku ngonde yamulikumi na vivali mu mwaka wamumakumi atatu na myaka itanu na ivali kutunda aje vatwalelele Yehoyakine ku vunzinda.

1 Mizimbu 9:1

Vanu va Isalele voshe vavasonekele ngwe ku naanga yavo, co vin̄anda evi vavisonekele mu Livulu lya Mizimbu ya Vimyene va mu Isalele. Co vanu va mu Yunda vavatwalele ku vunzinda ku Mbambilone omwo yakuvulumuna kwavo.

2 Mizimbu 36:10

Omo simbu ya nyangao yetele, Mwene Nevukaneza watwalele Yehoyakine ku Mbambilone nakumupwisa cinzinda, co wambatele vufuko vwa mu Njuvo ya Shukulu Kalunga. Asinoni Nevukaneza wapwisile Zendekiya inanu ya Yehoyakine mwene wa mu Yunda na mu Yelusalema.

Esita 2:5

Co mu Susa mwakele kaYunda umo lizina lyendi Molendekai muna Njaile, Njaile muna Shimei, Shimei muna Kishe, kaMbenjemani.

Esita 2:6

Omo Mwene Nevukaneza wa ku Mbambilone watwalele Mwene Yehoyakine wa mu Yunda ku vunzinda kutunda mu Yelusalema, amolika na munga ya vinzinda, co na Molendekai wakele akati kavo.

Njelemiya 13:18

Shukulu Kalunga wendekele kuli yange ngwendi, “Leka mwene na vaina vatunde a matanda avo, omwo vilongo vyavo vyavivwa vinau ku mitwe yavo.

Njelemiya 29:2

Njausonekele a simbu omo Mwene Yehoyakine, na vaina, na vamyata va lipela, na vantwama va mu Yunda na mu Yelusalema, na vaka-vipangi vyakushonga, na vatongwe va vipangi vanavatwala laja mu vunzinda.

Njelemiya 52:28

Ovu vukevwo vungi vwa vanu va mu Yunda vaje vaatwalele Nevukaneza ku vunzinda ku Mbambilone. Omwo Nevukaneza washwanene myaka itanu na ivali wambatele vanu vakupwa 3,023,

Ezekiyele 17:12

“Ihula ava vaka-kutengulukila nga vazivuka muje mucinalumbunukila eci cisimo. Valeke ngwove mwene wa Mbambilone wezile ku Yelusalema nakukwata mwene na vamyata vendi nakuvatwala ku Mbambilone.

Ezekiyele 17:13

Co waangwile umo wa ku naanga ya mwene, walingile nendi cikumiiyo, nakumusingisa ngeci apwe wa kulongwa. Watwalele vanalume va vulemu kupwa vakwatika,

Ezekiyele 17:3

vazivuke vije vinjilinakwendeka yange Kalunga wa Akamwa ya vyoshe. Kwakele ngonga wakama wa maunga amavwa na mambava akama akujanjavala. Ngonga ou wapulwile ku Minkinda ya Lembanone, nakupokola shongo-shongo ya munango wa muti wa Kendale,

Ezekiyele 19:9

Co vamwakele mu citombo nakumutwala kuli mwene wa Mbambilone. Vamwakele ku mavoko a vaka-kumunyunga, ngeci omo aana kesi vakamuzive lalo a malundu a vaIsalele.

Ndanyele 1:3

Co mwene washikile Ashepenaze mwata wa mukulunu, ngeci aangule vamo akati ka vinzinda va vaIsalele vakwenje va ku naanga ya vumwene na ku cikota ca vakulunu va kasingimiko.