2 Vimyene 24:12 - Livulu lya Shukulu Kalunga

¹² co Mwene Yehoyakine na vaina na vana vendi na vamyata, valiitile kuli vaMbambilone. Mu mwaka wamucitanu na itatu wakushwana kwa Nevukaneza, Nevukaneza wakwatele Yehoyakine nakumupwisa cinzinda,

2 Vimyene 24:12 Iomraidhean Croise

2 Vimyene 20:18

Vatekulwila vove vamo va a mbunge vakavatwala, co vakavapwisile vayunuke ngeci vakapange mu lipela lya mwene wa ku Mbambilone.”

2 Vimyene 24:11

A simbu ije vazengelekele nganda, Mwene Nevukaneza wezile ku Yelusalema,

2 Vimyene 25:27

Mu mwaka uje omo Evilemelondake wapwile mwene wa Mbambilone, co wamwesele ngozi kuli Mwene Yehoyakine wa mu Yunda akumutundisa mu kamenga. Eci calingiwile a litangwa lyamumakumi avali na atanu na avali ku ngonde yamulikumi na vivali mu mwaka wamumakumi atatu na myaka itanu na ivali kutunda aje vatwalelele Yehoyakine ku vunzinda.

2 Vimyene 25:8

A litangwa lyamucitanu na avali ku ngonde yamucitanu mu mwaka wamulikumi na itanu na iwana wakushwana kwa Mwene Nevukaneza wa Mbambilone, Nevuzalandane muka-kunangula mwene na muka-kushika mbunga ya mashwalale vendi, vakovelele mu Yelusalema.

2 Mizimbu 36:10

Omo simbu ya nyangao yetele, Mwene Nevukaneza watwalele Yehoyakine ku Mbambilone nakumupwisa cinzinda, co wambatele vufuko vwa mu Njuvo ya Shukulu Kalunga. Asinoni Nevukaneza wapwisile Zendekiya inanu ya Yehoyakine mwene wa mu Yunda na mu Yelusalema.

Esita 2:5

Co mu Susa mwakele kaYunda umo lizina lyendi Molendekai muna Njaile, Njaile muna Shimei, Shimei muna Kishe, kaMbenjemani.

Esita 2:6

Omo Mwene Nevukaneza wa ku Mbambilone watwalele Mwene Yehoyakine wa mu Yunda ku vunzinda kutunda mu Yelusalema, amolika na munga ya vinzinda, co na Molendekai wakele akati kavo.

Isaya 24:6

Ngecivene, Njambi natumbwila kaye cisingo. Co vanu vao valinakutsa omwo vuvi vwavo. Vavandondo-ndondo lika vanasalao vaciyoya.

Njelemiya 13:18

Shukulu Kalunga wendekele kuli yange ngwendi, “Leka mwene na vaina vatunde a matanda avo, omwo vilongo vyavo vyavivwa vinau ku mitwe yavo.

Njelemiya 24:1

Shukulu Kalunga wanjimwesele mitonga ivali ya vushuka vwa mikuyu ije vatumbikile kulutwe lwa Njuvo ya Shukulu Kalunga. (Eci calingiwile omo Mwene Nevukaneza wa Mbambilone natwala laja Mwene Yehoyakine wa mu Yunda muna Yehoyakime kutunda ku Yelusalema nakuya ku Mbambilone kupwa cinzinda, amolika na vantwama va mu Yunda, na vatongwe vaka-kushonga, na vatongwe vaka-kufula.)

Njelemiya 25:1

Mu mwaka wamuciwana uje Yehoyakime muna Yosiya wapwile mwene wa mu Yunda, njatambwile lijwi lyakutunda kuli Shukulu Kalunga ali vanu va mu Yunda. (Wapwile mwaka wakulivanga uje Nevukaneza wapwile mwene wa Mbambilone.)

Njelemiya 27:20

vije vyasezele Nevukaneza mwene wa Mbambilone omwo watwalele mu vunzinda Yehoyakine muna Yehoyakime mwene wa mu Yunda, kutunda ku Yelusalema nakuya ku Mbambilone, amolika na vakulunu voshe va mu Yunda na Yelusalema.)

Njelemiya 36:30

Ngecivene, ololo, yange Kalunga, njendeka kuli yove, Mwene Yehoyakime, ngwange naumo mutekulwila wove akashwana mu vumwene vwa Ndaviti wai. Muvila wove vakaumbila anja kuje ukominina na litanya a simbu ya mutanya, nakushinuka ku lisika a simbu ya vutsiki.

Njelemiya 37:1

Mwene Nevukaneza wa Mbambilone wengisile Zendekiya muna Yosiya mwene wa mu Yunda mu mwela wa Yehoyakine muna Yehoyakime.

Njelemiya 52:12

A litangwa lyamulikumi, ku ngonde yamucitanu mu mwaka wamulikumi na itanu na iwana wakushwana kwa Mwene Nevukaneza wa Mbambilone, Nevuzalandane, muka-kunangula mwene, na muka-kushika mashwalale vendi, wakovelele mu Yelusalema.

Njelemiya 52:28

Ovu vukevwo vungi vwa vanu va mu Yunda vaje vaatwalele Nevukaneza ku vunzinda ku Mbambilone. Omwo Nevukaneza washwanene myaka itanu na ivali wambatele vanu vakupwa 3,023,

Njelemiya 52:31

Mu mwaka uje omo Evilemelondake wapwile mwene wa Mbambilone, wamwesele ngozi kuli Mwene Yehoyakine wa mu Yunda akumutundisa mu kamenga. Eci calingiwile a litangwa lyamumakumi avali na atanu, ku ngonde yamulikumi na vivali, mu mwaka wamumakumi atatu na itanu na ivali, kutunda aje vatwalelele Yehoyakine ku vunzinda.

Ezekiyele 1:2

(Wapwile mwaka wamucitanu tunde aje Mwene Yehoyakine wa mu Yunda vamutwalele mu vunzinda.)

Ezekiyele 17:12

“Ihula ava vaka-kutengulukila nga vazivuka muje mucinalumbunukila eci cisimo. Valeke ngwove mwene wa Mbambilone wezile ku Yelusalema nakukwata mwene na vamyata vendi nakuvatwala ku Mbambilone.

Ezekiyele 17:4

co watwalele uje munango ku lifuti lya vaka-kulanda nakulandulula nakuwaka mu nganda yavo.

Ezekiyele 19:1

Shukulu Kalunga wanjilekele kwimba mwaso ou wa vusiwa ku vana va vimyene vavali va Isalele.

Ezekiyele 19:13

Co ololo vanaukunu mu mambo, muje mwakuma cau mu lifuti lyakujeneka mema.

Kwituluka mu Mashiko 28:36

“Shukulu Kalunga akamitwala, na mwene yeni uje mukaangula ku lifuti lya vungenzi, lije kumwazivukile yeni nambe vakukulwila veni. Kuje mukapangela vinjambi vakushonga va viti na mamanya.