2 Vimyene 23:5 - Livulu lya Shukulu Kalunga

⁵ Co watundisile vaka-kukombelela vaje vavemikile vimyene va mu Yunda kukombelela vin̄ombelo a mitula ya vaka-kujeneka kukulaela mu vinganda vya Yunda na mitambela kuyehi na Yelusalema, na vaka-kukombelela voshe vaje vakombelelele vin̄ombelo kuli Mbale na ku litangwa na ku ngonde na ku vimbunga vya mwilu, na ku vingongonosi.

2 Vimyene 23:5 Iomraidhean Croise

2 Vimyene 21:5

Mu vimbanja vivali vya mu Njuvo ya Shukulu Kalunga watungililemo mitula yakulemesela vingongonosi.

2 Mizimbu 33:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya. Watungile mitula yakulemesela Mbale, co walingile vifwa vya Ashela njambi wa munakazi, co walemesele vingongonosi.

2 Mizimbu 34:4

Akushika kwendi, vanu vasiwile mitula ivalemeselele Mbale, na mitula ya insense. Co vatwile vunga vifwa vya Ashela, na tumponya tukwavo twoshe, asinoni vakuvile lije lito a vimbumbo vya vanu vaje vakele nakuvakombelela.

Yombi 38:32

Wasa kutwamenena vingongonosi simbu na simbu yavyo a mwaka, nambe wasa kutwamenena Vana va tulwi?

Ezekiyele 8:6

Njambi wendekele kuli yange ngwendi, “Muna munu, wamono vije vilinakulingiwa ndi? Kenga ku vyuma vya vunyengwe vije vivalinakulinga vanu va Isalele kuje, valinakunjishekela kulyala manene kutunda ku mwela wange wakujela. Ukamona vyuma vya shwamwa manene kutuvakana evi.”

Hoziya 10:5

Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Zefaniya 1:4

“Njikanyanyamesa vanu voshe va mu Yelusalema na mu Yunda. Njikanyongesa munu woshe muka-kulemesa Mbale, co naumo wai lalo akanuka vaka-kukombelela va vaka-kujeneka kukulaela vaje vamupangelele.