2 Vimyene 23:4 - Livulu lya Shukulu Kalunga

⁴ Yosiya washikile Hilikiya Muka-kukombelela Wakama na vaka-kukombelela vendi vakumwata na vaka-kunyunga ku cikolo ca Njuvo ya Shukulu Kalunga kutuwisa mu Njuvo ya Shukulu vivala vyoshe vije vivapangesele mukulemesa Mbale na Ashela njambi wa munakazi na vingongonosi. Co mwene wenyekelele vivala vyoshe evi anja ya nganda kuyehi na Cana ca Kindelone, asinoni vatwalele lito lyavyo ku Mbetele.

2 Vimyene 23:4 Iomraidhean Croise

2 Samwele 15:23

Vanu valilile manene omo vanu va Ndaviti vakatukile. Co mwene wajavukile muna ndonga Kindelone, oku vanu vendi valinakumukava, vaile amolika na ku ngila yakuya mu mambo.

1 Vimyene 12:29

Yelovowame waakele ngombe umo wa ngolinde mu Mbetele, co mukwavo wamwakele mu Ndani.

1 Vimyene 15:13

Co watundisile vakuku yendi Maka mu mwela wa vamwene, omwo walingile kamponya ka vunyengwe ka Ashela njambi wa munakazi. Co Asa wambatele kaje kamponya nakukenyekela mu cana ca Kindelone.

1 Vimyene 16:31

Kucapwile cuma cacindondo kuli ikeye kwenda mu vuvi ngwe Yelovowame, co wambatele lalo Njezevele, muna Mwene Etembale wa ku Sindone, co walemesele Mbale.

1 Vimyene 18:19

Ololo shika vanu va Isalele voshe ngeci njikaliwane navo ku Munkinda wa Kalemele. Co ija na vaka-kwimanena va Mbale 450, na vaka-kwimanena va vinjambi va Ashele 400 vaje vakali ku mesa na Vamwene Njezevele.”

1 Vimyene 18:26

Vanonele uje ngombe vavanenele, vamutsiile vamwakele a mutula, valombelele kuli Mbale ngeci ashwameke tuhya kushangumuka mutondo noo mukati ka mutwe. Vakinine kuzengeleka mutula, co vatambekele ngwavo, “Tukumbulule, Mbale!” Oloni Mbale kavakumbulwile.

1 Vimyene 18:40

Elinja washikile ngwendi, “Kwateni vaka-kwimanena va Mbale, kesi mutave nambe umo wavo atewe!” Co vanu vavakwatele voshe, Elinja wavashelumwisile ku Ndonga ya Kishone, co wavatsiile.

1 Vimyene 19:18

Oloni njikasezao vanu va mwonyo vakupwa 7,000 mu Isalele, voshe vaje vanapu vaka-kulongwa kuli yange, co kanda vacitsikamene Mbale nambe kutsemba kamponya kendi.”

2 Vimyene 10:26

vatundisilemo manda yakujela ije yakele muje, vayenyekele.

2 Vimyene 12:10

Omo vamwene ngeci mu cikasa mwakele vimbongo vyavingi, co muka-kusoneka wa mwene na Muka-kukombelela Wakama vezile co valavele vije vimbongo nakuvyaka mu vinjeke.

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 21:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya, watungile mitula yakulemesela Mbale, co walingile cifwa ca Ashela njambi wa munakazi, ngwe mwalingile Mwene Ahave wa mu Isalele. Co lalo walemesele vingongonosi.

2 Vimyene 21:5

Mu vimbanja vivali vya mu Njuvo ya Shukulu Kalunga watungililemo mitula yakulemesela vingongonosi.

2 Vimyene 21:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

2 Vimyene 22:4

“Ya kuli Hilikiya Muka-kukombelela Wakama ukatambule muzimbu wa vimbongo vivanatambula kuli vanu vaka-kukombelela vaje vakapanga ku cikolo ca ku Njuvo ya Shukulu Kalunga.

2 Vimyene 23:12

Mwene Yosiya wasiwile mitula ije ivatungile vimyene va mu Yunda akamwa ya mulili wa kwilu wa lipela lya Mwene Ahaze, amolika na mitula ije yatungile Mwene Manase mu mitambela ivali ya vimbanja vya mu Njuvo ya Shukulu Kalunga. Wasiwile ije mitula nakuyivujula, co likungu lyayo walyumbilile mu Cana ca Kindelone.

2 Vimyene 23:15

Yosiya wasiwile lalo mutambela mu Mbetele uje uvalemeselele, uje watungile Mwene Yelovowame muna Nembate, uje watwamenenene Isalele mu vuvi. Co Yosiya washimbwile mutula, watavozwele mamanya awo vimbazuvwila, wavitwile vyapwile likungu, co wenyekele lalo cifwa ca Ashela.

2 Vimyene 25:18

Co Nevuzalandane muka-kushika mashwalale, wakwatele Selaya Muka-kukombelela Wakama, na Zefaniya muka-kukombelela wakwata kuli Muka-kukombelela Wakama, na vamyata vatatu va vulemu va mu Njuvo ya Shukulu Kalunga.

2 Mizimbu 15:16

Mwene Asa watundisile kuku yendi Maka a litanda lyendi lya vamwene, omwo wapangele kamponya kakavi ka Ashela njambi wa munakazi. Asa washinjile kaje kamponya, wakatetangele, co wenyekelele vimbazuvwila vyako mu Cana ca Kindelone.

2 Mizimbu 33:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya. Watungile mitula yakulemesela Mbale, co walingile vifwa vya Ashela njambi wa munakazi, co walemesele vingongonosi.

2 Mizimbu 33:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Njambi kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela wakunjilemesela.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Njelemiya 52:24

Co Nevuzalandane, muka-kushika mashwalale, wakwatele Selaya Muka-kukombelela Wakama, na Zefaniya muka-kukombelela wakwata kuli Muka-kukombelela Wakama na vamyata vatatu va vulemu va mu Njuvo ya Shukulu Kalunga.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Ezekiyele 8:6

Njambi wendekele kuli yange ngwendi, “Muna munu, wamono vije vilinakulingiwa ndi? Kenga ku vyuma vya vunyengwe vije vivalinakulinga vanu va Isalele kuje, valinakunjishekela kulyala manene kutunda ku mwela wange wakujela. Ukamona vyuma vya shwamwa manene kutuvakana evi.”

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

Amose 4:4

Shukulu Kalunga wa Akamwa ya Vyoshe alinakwendeka ngwendi, “Yeni vanu va Isalele, nga mushaka yeni ku mwela wakujela ku Mbetele mukalingileko vuvi! Nga mwasa yeni ku Ngilingale mukalingileko vuvi! Co neneni vin̄ombelo vyeni mutondo na mutondo, neneni cavulikumi ceni a litangwa lyoshe lyamucitatu.

Zefaniya 1:4

“Njikanyanyamesa vanu voshe va mu Yelusalema na mu Yunda. Njikanyongesa munu woshe muka-kulemesa Mbale, co naumo wai lalo akanuka vaka-kukombelela va vaka-kujeneka kukulaela vaje vamupangelele.

Mateo 26:3

Asinoni vakulunu va vaka-kukombelela na vakulunu va vaYunda valikungulwile amo mu lipela lya Kayafase Muka-kukombelelela Wakama.

Mateo 27:1

Alikaki mutondo-tondo vakulunu va vaka-kukombelela voshe na vakulunu vatumbile matumbe avo akulwisa Yesu ngeci vamutsiye.

Yowano 18:1

Omo Yesu wamanesele kulombela, waile amo na vandongisi vendi vajavukilile musambwa ya Muna Ndonga Kindelone. Mu mutambela uje mwakele lihya, co Yesu na vandongisi vendi vakovelelemo.

Maako 2:13

Vasezele kulemesa Shukulu Kalunga, co vapangelele vaMbale, na vaAsitalete.