2 Vimyene 23:25 - Livulu lya Shukulu Kalunga

²⁵ Kukwakele lalo mwene wakufwa ngwe ikeye uje wapangelele Shukulu Kalunga na mbunge yendi yoshe na mana endi oshe na nzili yendi yoshe nakwononoka Mashiko oshe a Mosesa, co lalo kukwesi mwene wakulifwa nendi wai.

2 Vimyene 23:25 Iomraidhean Croise

1 Vimyene 15:5

Shukulu Kalunga walingile eci omwo Ndaviti walingile vije vyamuvwasele, co wononokele kukushika kwendi, kuvanga lika a mulonga wa Uliya kaHiti.

1 Vimyene 2:4

Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

1 Vimyene 8:48

Nga mu lifuti muje vatenguluka mwa vushunga na kulongwa, co valombela kuli yove oku vanakenge ku lifuti lino waanene kuli vakukulwila vetu, na nganda ino unaangula, na Njuvo eyi njakutungila,

2 Vimyene 18:5

Hezekiya wakulaelele kuli Shukulu Kalunga, Njambi ya Isalele, co mu Yunda kumwakele lalo mwene wakufwa ngwe ikeye, nambe kunima nambe kulutwe.

2 Vimyene 23:3

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe na mwonyo wendi woshe, nakukavangeya majwi a cikumiiyo ngwe muje muvawasonekele mu livulu. Co vanu voshe vakulaesele kunyunga cikumiiyo.

Nehemiya 10:29

tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Nehemiya 10:30

Tukulaesa ngeci kutukalyambatela na vaka-kwija ava vali mu lifuti lyetu.

Njelemiya 22:15

Kuma wayongola ngwove u mwene wamuvwa kutuvakana vimyene voshe nga utunga vinjuvo vya kendale vyavivwa, kutuvakana vinjuvo vya vakweni voshe ndi? Isho walile nakunwa simbu yoshe wapwile wa kulongwa na vushunga, wavezikile mu vyuma vyoshe vije vyalingile.

Njelemiya 29:13

Mukanjishakezeka, co mukanjiwana, omwo mukanjishakezeka na vimbunge vyeni vyoshe.

Malakiya 4:4

“Anukeni vilongesa vya ngamba yange Mosesa, na mashiko aje anjamwanene a Munkinda wa Sinai kuli vanu voshe va Isalele ngeci vawononoke.

Yowano 1:17

Omwo Njambi waanene Lishiko lyendi ali Mosesa, oloni kutetela na vushunga vinaija ali Yesu Kilistu.

Yowano 7:19

Kuma kesi Mosesa wamyanene Lishiko ndi? Oloni na umo wai akati keni ononoka Lishiko eli. Omwo vikajo mushaka kunjitsiya?”

Kwituluka mu Mashiko 4:29

Co kuje mukashakezeka Shukulu Kalunga Njambi yeni, co nga mukamushakezeka na vimbunge vyeni vyoshe, na mwonyo weni woshe, co mukamuwana.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.