2 Vimyene 23:20 - Livulu lya Shukulu Kalunga

²⁰ Watsiilile vaka-kukombelela voshe vaje vaka-kujeneka kukulaela a mitula aje vakele nakupangela, co wenyekelele vitsiya vya vanu a mutula na mutula. Asinoni welukile ku Yelusalema.

2 Vimyene 23:20 Iomraidhean Croise

1 Vimyene 13:2

Co uje muka-kwimanena watambekele ngwendi Shukulu Kalunga nanjitumu kwendeka ku mutula ou ngwendi, “Ove mutula, Shukulu Kalunga nendeka ngwendi, ‘Kenga, mwana akasemuka ku naanga ya Ndaviti lizina lyendi Yosiya. Ikeye akatsiilao vaka-kukombelela vaje vakapanga ku mitula ya vaka-kujeneka kukulaela vaje vakakombelela vin̄ombelo a mutula ou, co akenyekelao vitsiya vya vanu.’ ”

1 Vimyene 18:40

Elinja washikile ngwendi, “Kwateni vaka-kwimanena va Mbale, kesi mutave nambe umo wavo atewe!” Co vanu vavakwatele voshe, Elinja wavashelumwisile ku Ndonga ya Kishone, co wavatsiile.

2 Vimyene 10:25

Co omo Yehu wamanesele kukombelela vin̄ombelo, wendekele kuli vaka-kunyunga na kuli vamyata ngwendi, “Kovelenimo muvatsiye voshe, kesi muputwiseo umo embwe!” Co vakovelelemo na mikwale yakushomwena cimweja, vavatsiile voshe, vakokelele mivila yavo anja. Co vakovelele mu njuvo ya Mbale yakujela ya mukati,

2 Vimyene 11:18

Asinoni vanu vaile ku njuvo ya Mbale nakuyisiwula, vashandwele mitula, na tumponya, co vatsiilile Matane, muka-kukombelela wa Mbale, kulutwe lwa mitula. Co Yehoyanda waakele vaka-kunyunga ku Njuvo ya Shukulu Kalunga,

2 Mizimbu 34:5

Asinoni wenyekele vitsiya vya vaka-kukombelela va vaka-kujeneka kukulaela a mitula aje avalemeselele. Co wajelesele mu Yunda na mu Yelusalema.

Kutuuka 22:19

“Munu woshe uje akalala na kasitu vanapande kumutsiya.

Kutuuka 22:20

“Munu woshe uje akombelela ku vinjambi veka vanapande kumutsiya, oloni vakombelele lika kuli yange Kalunga.

Isaya 34:6

Mukwale wendi ukashula na maninga na mazi avo, ngwe maninga na mazi a vana va vimanga na vimembe vakukombelela. Shukulu Kalunga akatsiya vanu vavangi nakuvapwisa n̄ombelo mu nganda ya Mbozile, na mu mitambela yeka ya mu lifuti lya Endome.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Kwituluka mu Mashiko 13:5

Oloni mukatsiye muka-kunungulula vinjozi nambe muka-kwimanena, uje akamileka kutengulukila Shukulu Kalunga Njambi yeni, uje wamitundisile mu lifuti lya Ingito nakumipatula ku vunzinda. Munu wa cifwa cangacije akamitangula ku ngila ije yamishikile Shukulu Kalunga Njambi yeni kwendamo. Munapande kumutsiya, ngeci mukatundise vuvi vuje vuli akati keni.