2 Vimyene 23:14 - Livulu lya Shukulu Kalunga

¹⁴ Mwene Yosiya wasiwile vimanda vya mamanya mu vimbazuvwila, wasiwile vifwa vya Ashela njambi wa munakazi, co a livu aje vemanene wafwikileo vitsiya vya vanu.

2 Vimyene 23:14 Iomraidhean Croise

2 Vimyene 18:4

Watundisile mitambela ije vakele nakulemesela vaka-kujeneka kukulaela, wasiwile vimanda vya mamanya, co wavujwile vifwa vya Ashela njambi wa munakazi. Co lalo wapokwele mu vimbazuvwila linyoka wa vunengu uje yafulile Mosesa, ivatumbwile ngwavo Nehushetane. Kweta na ku simbu ije vanu va Isalele vakele nakwenyeka insense kusingimika uje linyoka.

2 Vimyene 23:16

Asinoni Yosiya omo watengulukile wamwene vimbumbo vije vyakele a lilundu, co watundisilemo vitsiya nakuvyenyekela a mutula. Mu ngila eyi wasiwile uje mutula, mukulinga vije vyendekele laja muka-kwimanena a simbu ya ciwano omo Mwene Yelovowame wemanene ku mutula. Mwene Yosiya wakengele noku-noku, co wamwene mbumbo ya muka-kwimanena uje wambulwile evi.

Kutuuka 23:24

Kesi mukatsikamene vinjambi vavo nakuvalemesa, co kesi mutembunwine futisi yavo yakulemesa. Nyongeseni vinjambi vavo nakusiwula mamanya a vimanda vyavo vyakulemesela.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Isaya 44:19

Muka-kushonga tumponya kesi na mana nambe kunyanyama ngeci endeke ngwendi, “Vitale vimo njinavyenyeka. A manungu avyo, njinocoo situ nakuyilya. Citi cije casaleleo njacishongele kamponya. Vikoni njikulamena asi nakulemesa cimbundi ca citi?”

Ezekiyele 6:5

Njikashandola mivila ya vanu va Isalele, nakushandwela vitsiya vyavo ku mitula yoshe.

Mika 1:7

Vinjambi vavo va seo vakavasanyozola vimbazuvwila-mbazuvwila. Fweto yayo yoshe akupwa cikwizi vakayenyeka, na tumponya twayo twoshe tukemuka numbo ya mamanya, co vaka-Samaliya vakakungulula fweto yavo akupwa cikwizi. Co vije vimbongo lalo vakavifweta vikwizi kweka.”

Kulava 19:16

Nga munu akwata a munu uje ivanatsiila anja yangoco, nambe uje natsi ku monde, nambe nga munu akwata a citsiya ca munu watsile laja, nambe a mbumbo, co ikeye akapwa wakujeneka kujela a matangwa atanu na avali.

Kulava 19:18

Asinoni munu uje najele akambate kacishamo ka hisope nakukambwitika mu mema, nakushamwina aje mema a mbalaka ije, na a vivala vyoshe vilimo, na ali vanu vaje valimo. Mu ngila eyi vene mukemwo vakajelesa munu uje nakwatele a citsiya ca munu wa kutsa, nambe a civimbi ca munu uje natsi ku monde, nambe uje nakwata a mbumbo.

Kulava 33:52

munapande kushekamo voshe vaje vatungamo, nakunyongesa tumponya twavo twa mamanya, na vikuvo, nakusiwula mitula ije ivakalemesela.

Kwituluka mu Mashiko 7:5

Omu mukemwo mumukalinga navo, mukasiwula mitula yavo, nakuvujula vimanda vya mamanya vyakulemesela, nakuvatula viti vya Ashela njambi yavo wa munakazi, nakwenyeka tumponya twavo.