2 Vimyene 23:13 - Livulu lya Shukulu Kalunga

¹³ Yosiya wasiwile mitula ije yatungile Mwene Solomoni mu ngangela ya Yelusalema, ku mbwela ya Munkinda wa Oliveta, yakulemesela tumponya twa vunyengwe, Asitalete njambi wa munakazi wa ku Sindone na Kemoshe njambi wa Mowavi na Moleki njambi wa Amoni.

2 Vimyene 23:13 Iomraidhean Croise

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 11:5

Walemesele Asitalete, njambi wa munakazi wa Sindone, na Moleki, njambi wa vunyengwe wa Amoni.

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

Nehemiya 13:26

Co njavalekele ngwange, “Ava vene vanakazi vaka-kwija vakevo valingisile Mwene Solomoni vuvi. Wapwile munalume muka-nzili kuhyana vimyene voshe va miyati yeka. Njambi wamuzemene, co wamupwisile mwene wa Isalele yoshe, oloni walingile vuvi ovu vene.

Isaya 44:19

Muka-kushonga tumponya kesi na mana nambe kunyanyama ngeci endeke ngwendi, “Vitale vimo njinavyenyeka. A manungu avyo, njinocoo situ nakuyilya. Citi cije casaleleo njacishongele kamponya. Vikoni njikulamena asi nakulemesa cimbundi ca citi?”

Njelemiya 11:13

Vanu va mu Yunda muli na vinjambi vavangi manene kutuvakana vinganda vyeni, muli na mitula yaingi mu Yelusalema yakukombelela kuli Mbale njambi wa vunyengwe kutuvakana vitapalo vya mu Yelusalema.

Njelemiya 48:13

Co vaMowavi vakaziva shwamwa, na njambi yavo Kemoshe, ngwe muvazivile shwamwa vaIsalele, na Mbetele, njambi uje ivakulaelele.

Njelemiya 48:16

Luvinda lwa Mowavi lulinakushwena kuyehi, kayando kayo kalinakwija vwasi.

Njelemiya 48:7

“Mowavi, yove wakulaela nzili yove na vufuko vwove, oloni vakakufungulula nakukutwala mu vunzinda, amolika na njambi yove Kemoshe, amolika na vana vendi va vimyene na vaka-kukombelela vendi.

Zefaniya 1:5

Njikanyongesa vanu voshe vaje vakalondo akamwa ya njuvo nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki.

Kulava 21:29

Luvinda lweni, yeni vanu va Mowavi! Yeni vaka-kulemesa Kemoshe munanyongo! Vinjambi veni vapwisa vanalume ngwe vaka-kwija, co vanakazi ngwe vavanafungulula kuli Mwene Sihone wa vaAmoli.

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 11:24

Co mushaka kutambula mutambela wavo ndi? Wasa kunyunga vyoshe vije vyanakwana njambi yove Kemoshe. Co yetu lalo tunyunga vyuma vyoshe vije vyanatwana Shukulu Kalunga Njambi yetu.

Maako 2:13

Vasezele kulemesa Shukulu Kalunga, co vapangelele vaMbale, na vaAsitalete.

1 Samwele 12:10

Asinoni valililile kuli Shukulu Kalunga ngeci avakwase, co vendekele ngwavo, ‘Tunalingi vuvi, omwo tunakengesa nima Shukulu Kalunga, tunalemesa tumponya twa Mbale, na Asitalete. Twamene ku vitozi vetu, co tukakulemesa!’

1 Samwele 7:4

Ngecivene, vaIsalele vatundisile tumponya twavo twa Mbale, na Asitalete, co valemesele Shukulu Kalunga lika.