2 Vimyene 23:11 - Livulu lya Shukulu Kalunga

¹¹ Co watundisile lalo tuvalu tuje tuvakundikile vimyene va mu Yunda mukulemesa litangwa, co wenyekele matemba aje avapangesele mukulemesa. (Evi vavinyungilile mu mwela wa mbanja, kuyehi na cikolo ca Njuvo ya Shukulu Kalunga, kuyehi na kuje kwakele mwata wakama Natane Meleke.)

2 Vimyene 23:11 Iomraidhean Croise

2 Vimyene 23:5

Co watundisile vaka-kukombelela vaje vavemikile vimyene va mu Yunda kukombelela vin̄ombelo a mitula ya vaka-kujeneka kukulaela mu vinganda vya Yunda na mitambela kuyehi na Yelusalema, na vaka-kukombelela voshe vaje vakombelelele vin̄ombelo kuli Mbale na ku litangwa na ku ngonde na ku vimbunga vya mwilu, na ku vingongonosi.

1 Mizimbu 26:18

Co ku nginga ya ku mutambela wa mu kangombe ka yambi, kwakele vaka-kunyunga ku ngila vawana, co vavali vanyungile ku nginga.

2 Mizimbu 14:5

Omwo watundisile mitambela ije vakele nakulemesela vaka-kujeneka kukulaela, na mitula ya insense mu vinganda vyoshe vya mu Yunda, co kwakele kwoloka a simbu ije yashwanene.

2 Mizimbu 34:4

Akushika kwendi, vanu vasiwile mitula ivalemeselele Mbale, na mitula ya insense. Co vatwile vunga vifwa vya Ashela, na tumponya tukwavo twoshe, asinoni vakuvile lije lito a vimbumbo vya vanu vaje vakele nakuvakombelela.

Yombi 31:26

Yange kunjalemesele litangwa, mukuvyazima kwalyo, nambe ngonde mu vuvwa vwayo vwoshe.

Ezekiyele 40:17

Co uje munalume wanjitwalele nakutuvakana mu ngila ya cikolo nakweta ku cipango ca mbanja. Kwakele milili makumi atatu yakutungila ku vivumbe vya anja, co kulutwe lwayo kwakele mutambela wakujala mamanya,

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Kwituluka mu Mashiko 4:19

Linyungeni kutewa mukawila mu ceseko cakulemesa nakupangesa vije mumona mwilu, litangwa, na ngonde, na vingongonosi. Shukulu Kalunga Njambi yeni navyaana vanu voshe veka vali ano asi ngeci vavilemese.