2 Vimyene 23:10 - Livulu lya Shukulu Kalunga

¹⁰ Mwene Yosiya wasiwile lalo Tofete, mutambela vakele nakulemesela vaka-kujeneka kukulaela, mu Cana ca Hinome, ngeci naumo wai akakombelele munendi wa munalume nambe wa munakazi kumupwisa n̄ombelo ya kwenyeka kuli njambi Moleki.

2 Vimyene 23:10 Iomraidhean Croise

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

2 Vimyene 16:3

wakavangeyeye vilinga vya vimyene va mu Isalele. Co wakombelelele munendi wa munalume kupwa n̄ombelo yakwenyekela ku tumponya, kutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

2 Vimyene 17:17

Vakombelelele vana vavo va vanalume na ava va vanakazi kupwa vin̄ombelo vyakwenyekela ku vinjambi va vaka-kujeneka kukulaela, co vakele nakwihula kuli vaka-kwendeka na vakulu na kuli vaka-kulukiya, valikundikile vakevo vavenya nakulinga vije vya vunyengwe ku mesho a Shukulu Kalunga, co vashangumwine vukalu vwendi.

2 Vimyene 21:6

Ikeye wakombelelele munendi wa munalume kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

2 Mizimbu 28:3

co wenyekelele insense mu Cana ca Hinome, wakombelelele vana vendi va vanalume kupwa vin̄ombelo vyakwenyekela ku tumponya, mukutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

2 Mizimbu 33:6

Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Nehemiya 11:30

na mu Zanowa, na mu Andulame, na mu membo aje akele kuyehi na vinganda evi. Co vakele mu Lakishe na ku mahya aje aateleko, na mu Azeka na mu membo amwo. Eci cinanunguluka ngeci, vanu va Yunda vakele mu mutambela wa mukati ka Mbeleshemba mu mbwela, nakweta na ku Cana ca Hinome ku kunto.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 57:5

Mulinakulemesa vinjambi va tumponya nakulingila vupangala mwisi ya miti yeni yakujela. Mulinakukombelela vana veni mu manzenzengoma a mamanya kuyehi na muna ndonga.

Njelemiya 19:2

Iteni mu Cikolo ca Potishende muye ku Cana ca Hinome, ya ukambulule majwi aje anjikakuleka.

Njelemiya 19:4

Njikalinga eci omo vanu vananjiseza, vanajwalesa mutambela ou akukombelelamo vin̄ombelo ku vinjambi veka, vinjambi vaje nambe vakevo, nambe vakukulwila vavo, nambe vimyene va mu Yunda kuvavazivukile. Vanashulisa mutambela ou na maninga a vanu vakujeneka mulonga,

Njelemiya 19:6

Ngecivene, simbu ikaija omo mutambela uno kuvakautumbula lalo Tofete nambe Cana ca Hinome. Oloni vakautumbula Cana Cakutsiila.

Njelemiya 32:35

Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Ezekiyele 16:21

nakujeneka kwambata vana vange nakuvakombelela ku tumponya ndi?

Ezekiyele 20:26

Njavatavele kulijwalesa na vin̄ombelo vyavo vavenya, co njavatavele kukombelela vana vavo va va ntwatwa va vanalume. Eci capwile kuvanyanyamesa, nakuvamwesa ngeci yange njapwa Kalunga.

Ezekiyele 20:31

Nameme ku litangwa lya lelo vene mucili nakwana vwana vwa cifwa cimo, nakulijwalesa na tumponya tuje vene akukombelela vana veni ku tumponya mu tuhya. Co yeni lalo vaIsalele mucili nakwija nakwihula vati mucapwa cizango cange! Mwa vushunga vene omo yange njapwa Kalunga wa Akamwa ya Vyoshe, Njambi wakuyoya, kunjikamitava ngeci munjihule cuma cimo embwe.

VaLevi 18:21

Kesi ukatavese umo wa vana veni kumupangesa mukulemesa njambi Moleki, omwo ngila eyi ikashawisa lizina lya Njambi yeni, yange njapwa Kalunga.

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Kwituluka mu Mashiko 18:10

Kesi mukakombelele vana veni va vanalume, nambe va vanakazi kupwa n̄ombelo embwe. Co vanu veni kesi vakapwe vaka-kutaa, nambe vakakulaele viyovo, nambe vakapwe valozi,

Yoshwa 15:8

asinoni nginga yetile mu Cana ca Hinome, ku mutambela wa ku mbwela ya lilundu kuje kwakele nganda ya vaNjevushi ikeyo Yelusalema. Co nginga yalamatele a lilundu ku mutambela wa ka ngombe ka yambi ya Cana ca Hinome, ku shongo ya ku kunto ya Cana ca Lefaime.

Yoshwa 18:16

Co yashelumukilile kwisi ya munkinda uje walishungamene na Cana ca Hinome, ku shongo ya Cana ca Lefaime ku kunto. Co yakengeselele lalo ku mbwela mukati ka Cana ca Hinome, ku mbwela ya vaNjevushi kuje yetele ku Enelongele.