2 Vimyene 22:2 - Livulu lya Shukulu Kalunga

² Yosiya walingile vije vyavwaelelesele Shukulu Kalunga, co watembunwinine kukulwila yendi Mwene Ndaviti, wononokele mashiko oshe a Njambi.

2 Vimyene 22:2 Iomraidhean Croise

1 Vimyene 11:38

Nga unjononoka mwamuvwa, nakuyoya mu mashiko ange, nakunyunga vije njikushika, ngwe mwalingile ngamba yange Ndaviti, co simbu yoshe njikakala amo nove, co njikakupwisa mwene wa mu Isalele, co mwa vushunga vatekulwila vove vakashwana munima yove, ngwe muje munjinalingi kuli Ndaviti.

1 Vimyene 15:11

Asa walingile vije vyavwasele Shukulu Kalunga, ngwe mwalingile kukulwila yendi Ndaviti.

1 Vimyene 15:5

Shukulu Kalunga walingile eci omwo Ndaviti walingile vije vyamuvwasele, co wononokele kukushika kwendi, kuvanga lika a mulonga wa Uliya kaHiti.

1 Vimyene 3:6

Solomoni wamukumbulwile ngwendi, “Simbu yoshe wamwesele tate Ndaviti ngamba yove, cizemo cakama, ikeye walikongomekele, na kulongwa na kasingimiko mu kulitombola nove. Co yove watwaleleo kumumwesa vukama vwove na cizemo cove cije kucesi kutenguluka akumwana mwana ou ku litangwa lya lelo alinakushwana mu mwela wendi.

2 Vimyene 12:3

Nameme ngoco, ije mitambela vakele nakulemesela vaje vaka-kujeneka kukulaela kuvainyongesele, co vanu vakele nakukombelelako vin̄ombelo nakwenyekelako insense.

2 Vimyene 14:3

Walingile vije vyavwaelelesele Shukulu Kalunga, nameme ikeye kafwile ngwe kukulwila yendi Mwene Ndaviti embwe, oloni walingile ngwe muje mwalingile Yowashe.

2 Vimyene 16:2

omo wakele na myaka makumi avali, washwanene mu Yelusalema myaka likumi na itanu na umo. Ikeye kakavangeyeye vilinga vyavivwa vya kukulwila yendi Mwene Ndaviti, oloni walingile vije kuvyavwaelelesele Shukulu Kalunga Njambi yendi,

2 Vimyene 18:3

Wakavangeyeye vilinga vya kukulwila yendi Mwene Ndaviti, walingile vije vyavwaelelesele Shukulu Kalunga.

2 Mizimbu 17:3

Shukulu Kalunga wavezikisile Njosefati omwo wakavangeyeye cimweso cakulivanga ca ishe, co kalemesele Mbale embwe.

2 Mizimbu 29:2

Wakavangeyeye vilinga vya kukulwila yendi Mwene Ndaviti, walingile vije vyavwaelelesele Shukulu Kalunga.

2 Mizimbu 31:20

Mwene Hezekiya walingile vyavivwa mu lifuti lya Yunda mwoshe vije vyavwaelelesele Shukulu Kalunga Njambi yendi.

2 Mizimbu 34:1

Yosiya wakele na myaka itanu na itatu omo wapwile mwene wa mu Yunda, co washwanene mu Yelusalema myaka makumi atatu na mwaka umo.

Visimo 20:11

Vilinga vyavivwa nambe vilinga vyavivi vije vyalinga mwanike, visholola cifwa ca uje mwanike.

Visimo 4:27

Kesi utunde mu ngila ya vushunga. Oloni tunda ku vuvi.

Zefaniya 1:1

Eli likelyo lijwi lije lyendekele Shukulu Kalunga kuli Zefaniya simbu ije Yosiya muna Amoni wapwile mwene wa mu Yunda. (Zefaniya wapwile wa ku cikota ca Mwene Hezekiya, na Amaliya, na Ngendaliya, na Kushi.)

Kwituluka mu Mashiko 5:32

“Ngecivene, nyanyameni kuvilinga ngwe omo mwanamishiki Shukulu Kalunga Njambi yeni. Kesi mukavyane kwononoka lishiko limo lyendi.

Yoshwa 1:7

Oloni kolesa lika nakusimpa manene, unyunge mashiko oshe aje akushikile ngamba yange Mosesa. Kesi ukalimbulule nambe litambelo limo, ngeci ukavezike mwamuvwa kwoshe kuje kuukaya.