2 Vimyene 21:7 - Livulu lya Shukulu Kalunga

⁷ Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

2 Vimyene 21:7 Iomraidhean Croise

2 Samwele 7:13

Ikeye akanjitungila njuvo, co njikakolesa litanda lya vumwene vwendi.

1 Vimyene 8:29

Nyunga eyi Njuvo mutanya na vutsiki, mwela ou uunaangula wakukulemesela. Njizive omo njikenga ku Njuvo eyi nakulombela.

1 Vimyene 8:44

“Omo ushika vanu vove kuya ku nzita nakulwisa vitozi vavo, co valombela kuli yove, kwoshe kuje kuvali, nakukenga ku nganda ino unaangula na Njuvo eyi njinakutungila,

1 Vimyene 9:3

Co Shukulu Kalunga wendekele kuli ikeye ngwendi, “Njinazivi lilombelo lyove. Njinajelesa Njuvo eyi unatungu kupwa mwela uje vakanjilemesela ku myaka yoshe. Njikainyunga simbu yoshe.

1 Vimyene 9:7

co njikatundisa vanu vange va Isalele ku lifuti lije njavanene. Co lalo njikatunda mu Njuvo eyi injinajelesa kupwa mwela wakunjilemesela. Co vanu voshe kuli na kuli vakajola Isalele nakuvashendumuna.

2 Vimyene 16:11

Ngecivene, Uliya watungile mutula umo wakufwa ngwe ukewo vene, co waumanesele simbu kanda Ahaze eluke.

2 Vimyene 21:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi lizina lyendi vakalilemesela mu Yelusalema.

2 Vimyene 23:27

Shukulu Kalunga wendekele ngwendi, “Njikalinga ku Yunda ngwe vije vinjalingile ku Isalele, njikatundisa vanu va mu Yunda ku mesho ange, co njikavyana Yelusalema, nganda ije injaangwile, na Njuvo yange mwela uje njendekele ngwange lizina lyange vakalilemesela kuje.”

2 Vimyene 23:4

Yosiya washikile Hilikiya Muka-kukombelela Wakama na vaka-kukombelela vendi vakumwata na vaka-kunyunga ku cikolo ca Njuvo ya Shukulu Kalunga kutuwisa mu Njuvo ya Shukulu vivala vyoshe vije vivapangesele mukulemesa Mbale na Ashela njambi wa munakazi na vingongonosi. Co mwene wenyekelele vivala vyoshe evi anja ya nganda kuyehi na Cana ca Kindelone, asinoni vatwalele lito lyavyo ku Mbetele.

2 Vimyene 23:6

Co watundisile lalo mu Njuvo ya Shukulu Kalunga cifwa ca Ashela njambi wa munakazi, wacituwisile mu nganda wacitwalele ku Cana ca Kindelone, co wacenyekelele kuje, watwile manungu, co apwile likungu, co walishandwelele akamwa ya vimbumbo vya vanu nkala.

2 Mizimbu 33:15

Co watundisile mu Njuvo ya Shukulu Kalunga vinjambi veka na cifwa cije caakelemo, na mitula ya vaka-kujeneka kukulaela ije yakele a malundu aje emanene Njuvo ya Shukulu Kalunga na mu mitambela ikwavo ya mu Yelusalema, watwalele vyuma vyoshe evi anja ya nganda, wavyumbilile kuti.

2 Mizimbu 33:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Njambi kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela wakunjilemesela.

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

2 Mizimbu 7:12

co Shukulu Kalunga walisholwele lalo kuli ikeye ku vutsiki. Wendekele kuli ikeye ngwendi, “Njinazivi lilombelo lyove, co njinatava Njuvo eyi iwunatungu kupwa mwela uje kuvakakombelela vin̄ombelo kuli yange.

2 Mizimbu 7:16

omwo njinaangula Njuvo eyi nakuyijelesa kupwa mwela uvakanjilemesela ku myaka yoshe. Njikainyunga nakuyivwaesa simbu yoshe.

2 Mizimbu 7:20

co njikamitundisa mu lifuti lyange lije linjamyanene, co lalo njikavyana Njuvo eyi injinajelesa kupwa mwela wakunjilemesela. Co vanu voshe vakaisimutwiya nakushendumuna Isalele.”

Nehemiya 1:9

Oloni nga mwiluka kuli yange, nakunyunga mashiko ange nakuwalinga, co nameme mwashandokelele ku shongo ya mafuti aano asi, njikamiilwisa ku mwela uje unjinaangula kupwa wakunjilemesela.’

Myaso 74:2

Anuka vanu vove vaje vawalyangwilile tunde ku san̄ulu, vaje vawatundisile mu vunzinda kupwa muyati wove. Anuka Munkinda wa Siyone limbo lyove!

Myaso 78:58

Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Njelemiya 32:34

Vanaaka tumponya tuje tunjazinda mu Njuvo yange, mwela uje njatumbwile ngwange mukemwo vakanjilemesela, co vanaijwalesa.

Njelemiya 7:30

“Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Ezekiyele 23:38

Co evi kesi vikevyo lika vivalingile embwe. Vajwalesele Njuvo yange, nakushaula Litangwa Lyakuhwima lije njemikile.

Kwituluka mu Mashiko 16:21

“Kesi mukashimbikile manda ya citi ca Ashela njambi wa munakazi kumukulo wa mutula wa Shukulu Kalunga Njambi yeni.