2 Vimyene 21:24 - Livulu lya Shukulu Kalunga

²⁴ Vanu va mu Yunda vatsiile vaje vatsiile Amoni, co vapwisile munendi Yosiya mwene.

2 Vimyene 21:24 Iomraidhean Croise

2 Samwele 5:3

Ngecivene, vantwama voshe va Isalele vezile kuli Mwene Ndaviti ku Hevelone. Ngecivene, walikumiiye cikumiiyo cakujela navo, co vamuvwavesele, wapwile mwene wa mu Isalele.

1 Vimyene 12:1

Lehovowame waile ku Shekeme, kuje vanu voshe va ku kunto ya Isalele valikungulwile nakumupwisa mwene.

1 Vimyene 12:20

Omo vanu va Isalele voshe vazivile ngeci Yelovowame neluka kutunda ku Ingito, vamulanyele ku cikungulukilo ca vanu voshe, co vamupwisile mwene wa mu Isalele. Kuvanga muyati wa Yunda lika vakevo vononokele ku vatekulwila va Ndaviti.

2 Vimyene 11:17

Yehoyanda wakolesele cikumiiyo akati ka Shukulu Kalunga na mwene amo na vanu ngeci vapwe vanu va Shukulu Kalunga, co lalo walikumiiye cikumiiyo akati ka mwene na vanu.

2 Vimyene 14:21

Co vanu va mu Yunda vashwanesele munendi Uziya kupwa mwene, ikeye wakele na myaka likumi na itanu na umo.

2 Vimyene 14:5

Omo vumwene vwa Amaziya vwakolele na nzili, co watsiile vamyata vaje vatsiile ishe, Mwene Yowashe.

2 Vimyene 21:25

Vyuma vyoshe vije vyalingile Amoni vavisoneka mu Livulu lya Mizimbu ya Vimyene va mu Yunda.

2 Vimyene 22:1

Yosiya wakele na myaka itanu na itatu omo wapwile mwene wa mu Yunda, co washwanene mu Yelusalema myaka makumi atatu na mwaka umo. Vaina vapwile Njendinda, muna Andaya wa ku nganda ya Mbozekate.

2 Mizimbu 22:1

Co vanu va mu Yelusalema vashwanesele Ahaziya munendi wa mutinikila kupwa mwene, omwo mbunga imo ya vanu vezile na vaAlambe ku cilombo vatsiile vana vendi voshe va vakulunu. Ngecivene, vashwanesele Ahaziya kupwa mwene.

2 Mizimbu 26:1

Vanu voshe va mu Yunda vaangwile Uziya muna Amaziya uje wakele na myaka likumi na itanu na umo omo wapwile mwene.

2 Mizimbu 33:25

Vanu va mu Yunda vatsiile vaje vatsiile Amoni, co vapwisile munendi Yosiya mwene.

Njelemiya 1:2

Shukulu Kalunga wendekele kuli Njelemiya mu mwaka wamulikumi na itatu omo Yosiya muna Amoni wapwile mwene wa mu Yunda.

1 Samwele 11:15

Ngecivene, voshe vaile ku Ngilingale, co kuje ku mwela wakujela vambulwile Saulu ngwavo napu mwene yavo. Vakombelelele vin̄ombelo vya kulitombola, co Saulu na vanu voshe va Isalele valisambele.