2 Vimyene 21:23 - Livulu lya Shukulu Kalunga

²³ Vamyata va Amoni vamukele munga, vamutumbilile vutumbe, co vamutsiilile mu lipela.

2 Vimyene 21:23 Iomraidhean Croise

1 Vimyene 15:27

Mbasha muna Ahiya, wa ku muyati wa Isakale, wendele vungungu Nandave nakumutsiya omo Nandave na mashwalale vendi vakele nakulwisa nganda ya Ngimbetone mu Filisitiya.

1 Vimyene 16:9

Co Zimeli, umo wa ali vamyata vendi uje wapwile mukulunu wa matemba amo a mwene, wamwendele vungungu. Litangwa limo mu Tileza, Mwene Elahe wapendele mu njuvo ya Aleza, uje wapwile mukulunu wa lipela.

2 Vimyene 12:20

Vamyata vendi vamukatukilile nakumwenda vungungu, co vamutsiilile ku ngila yakushelumukila ku Sila.

2 Vimyene 14:19

Co mu Yelusalema mwakele vutumbe vwakutsiya Amaziya, ngecivene, watewelele ku nganda ya Lakishe, oloni vitozi vendi vamukavele, co vamutsiilile kuje vene.

2 Vimyene 15:25

Co mwata umo wa mashwalale va Pekahiya, lizina lyendi Peka muna Lemaliya, watumbile vutumbe amo na vanalume makumi atanu va ku Ngilyande, co vatsiilile Pekahiya mu lipela mukati ka cimpaka mu Samaliya, co Peka wamushwanene kupwa mwene.

2 Vimyene 15:30

Mu mwaka wamumakumi avali omo Yotame muna Uziya wapwile mwene wa mu Yunda, Hosheya muna Elahe watumbile vutumbe vwakulwisa Mwene Peka, co wamutsiile, wamushwanene kupwa mwene.

2 Vimyene 9:27

Mwene Ahaziya wamwene vije vyalingiwile, ngecivene, watewelele ku nganda ya Mbete Hangane mu litemba lyendi, oloni Yehu wamushekele nakumuwana, washikile vanu vendi ngwendi, “Nendi lalo mutsiyeni!” Co vamwashele mukili omo wakele nakwendesa litemba lyendi mu ngila yakulamata ku Ngule, kuyehi na nganda ya Imbelyange. Oloni watewele manene noo wetele ku nganda ya Mengindo, co kuje vene watsile.