2 Vimyene 21:15 - Livulu lya Shukulu Kalunga

¹⁵ Njikalinga evi kuli vanu vange omwo vanalingi cuma cije njazinda, co vananjiluvalesa kutunda ku simbu ije vakukulwila vavo vatundile mu Ingito kweta na ku litangwa lya lelo.”

2 Vimyene 21:15 Iomraidhean Croise

2 Vimyene 21:14

Njikakengesa nima vanu vaje vakasalao vacili nakuyoya, co vitozi vavo vakavafungulula nakupukula lifuti lyavo.

2 Vimyene 21:16

Manase watsiile vanu vavangi vakujeneka mulonga, co mu vitapalo vya mu Yelusalema mwoshe mwakele nakwita maninga, walingile evi mukutwamenena vanu va mu Yunda ku tumponya, kuvalingisa vuvi ku mesho a Shukulu Kalunga.

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Njelemiya 15:4

Mukapwa vunyengwe ku vanu voshe va a kaye, omwo a vyuma vyavivi manene vije vyalingile Manase muna Hezekiya mu Yelusalema, omwo wapwile mwene wa mu Yunda.

Njelemiya 25:7

Oloni vavenya Shukulu Kalunga nendeka ngwendi mwavyanene kumutolilila. Oloni mwamuluvalesele na tumponya tweni, nakulikokela cihiso yeni vavenya.

Mbimbi 1:5

Vitozi vendi vanamufungulula, co ali mu mavoko avo. Shukulu Kalunga namunyanyamesa omwo vuvi vwendi vwavungi, vana vendi vanavafungulula nakuvatwala.

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

Ezekiyele 20:30

Ololo leka vaIsalele vije njilinakwendeka yange Kalunga wa Akamwa ya Vyoshe ngwove, ‘Omo vikajo mulinakulinga vuvi vwa muyati umo ngwe vuje vuvalingile vakukulwila veni, akulemesa tumponya twavo?’

Ezekiyele 20:4

“Muna munu, unalivwaesela cimweja kuvasompa ndi? Unapande kuvasompa. Vanukise vyuma vya vunyengwe vije vivalingile vakukulwila vavo.

Ezekiyele 23:3

Omo vakele mu Ingito vapwile vambanda, kuvapwile lalo vambanda vaje kanda valimone na vanalume, co vapwile vikwizi.

Ndanyele 9:15

“Yove Shukulu Kalunga Njambi yetu, wamwesele nzili yove akutundisa vanu vove mu lifuti lya Ingito, co na ololo tucili nakwanuka nzili yove. Tunalingi vuvi, co tunaviisa.

Kwituluka mu Mashiko 31:27

Njazivuka kutengulukila kweni nakukaluwa kwa vimbunge vyeni. Mwatengulukilile Shukulu Kalunga a simbu yakuyoya kwange, co omo njikatsa mukahyana kumutengulukila.

Kwituluka mu Mashiko 31:29

Njazivuka ngeci omo njinatsi laja, mukongumuka nakuseza evi vinjinamilongesa. Cooni kulutwe mukakovela mu vukalu, mukaluvalesa Shukulu Kalunga akulinga vije vyanavindika.”

Kwituluka mu Mashiko 9:21

Ngecivene, njanonele cuma cije cacivi cije cimwalingile, muna ngombe wa vutale uje mwafulile, co njamumbilile mu tuhya, ngeci njamutsenene na kumutwa vunga, mukemwo njombilile vuje vunga mu muna ndonga ije yakele nakutunda ku munkinda.