2 Vimyene 20:18 - Livulu lya Shukulu Kalunga

¹⁸ Vatekulwila vove vamo va a mbunge vakavatwala, co vakavapwisile vayunuke ngeci vakapange mu lipela lya mwene wa ku Mbambilone.”

2 Vimyene 20:18 Iomraidhean Croise

2 Vimyene 24:12

co Mwene Yehoyakine na vaina na vana vendi na vamyata, valiitile kuli vaMbambilone. Mu mwaka wamucitanu na itatu wakushwana kwa Nevukaneza, Nevukaneza wakwatele Yehoyakine nakumupwisa cinzinda,

2 Vimyene 24:15

Nevukaneza watwalele Yehoyakine ku Mbambilone kupwa cinzinda, amolika na vaina ya Yehoyakine na vanakazi vendi na vamyata vendi na vantwama va mu Yunda.

2 Vimyene 25:6

Zendekiya vamutwalele kuli Mwene Nevukaneza, uje wakele mu nganda ya Limbela, co kuje vene Nevukaneza wamusompele, nakuwana ngeci ali na mulonga.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

Njelemiya 20:5

Njikecela vitozi vavo vakapukule vufuko vwoshe vwa mu nganda eyi, nakwambata vufuko vwamwo na vivala, na vitulikilo vya vimyene va mu Yunda, co vakatwala vyuma vyoshe ku Mbambilone.

Ndanyele 1:3

Co mwene washikile Ashepenaze mwata wa mukulunu, ngeci aangule vamo akati ka vinzinda va vaIsalele vakwenje va ku naanga ya vumwene na ku cikota ca vakulunu va kasingimiko.

Mika 4:10

Yeni vanu va mu Yelusalema ziveni mushongo nakulinyenga ngwe munakazi ali a funga, co ololo mukaseza nganda nakukakala mushandangala yangoco. Mukaya ku Mbambilone, oloni kuje Shukulu Kalunga akamyamena ku vitozi veni.