2 Vimyene 20:14 - Livulu lya Shukulu Kalunga

¹⁴ Asinoni Isaya muka-kwimanena waile kuli Mwene Hezekiya, co wamwihwile ngwendi, “Vanu ava vanatundu kulijo? Vikajo vanendeka kuli yove?” Hezekiya wamukumbulwile ngwendi, “Vanatundu ku lifuti lya kulyala, ku Mbambilone.”

2 Vimyene 20:14 Iomraidhean Croise

2 Vimyene 20:13

Hezekiya watambwile mwamuvwa vaje miluwa, co wavamwesele vufuko vwendi, siliva na ngolinde na n̄undu na mazi akunika lwengo lwaluvwa na vitwa vyoshe vya mashwalale vendi. Wavamwesele vyuma vyoshe vyakele mu milili yendi yakutulikila na mu vumwene vwendi.

2 Vimyene 20:15

“Vikajo vanamono mu lipela?” Hezekiya wamukumbulwile ngwendi, “Vanamono vyuma vyoshe. Njavamwesa vyuma vyoshe vya mu milili yakutulikila.”

Myaso 141:5

Muka-vushunga nasa kunjihisa, nakunjendekela na ngozi, omwo simbu yoshe njilinakulombela a vilinga vya vaka-vuvi.

Visimo 25:12

Kunangula kwakuvwa kuli na seo manene kutuvakana kanzeya ka ngolinde, nambe vyakuzala vya senga vyakulinga na ngolinde yaivwa.

Isaya 13:5

Valinakutunda ku mafuti a kulyala a ku shongo ya asi. Co Shukulu Kalunga akamwesa vukalu vwendi mukunyongesa lifuti.

Ezekiyele 23:23

Njikakunenela vaMbambilone na vaKalendeya, na vanalume vakutunda ku Pekonde, na ku Showa, na ku Kowa, na vaAsilya voshe. Njikakungulula voshe vaje vakwenje vavavwa vakufuka na vamyata, na voshe vaje vamyata va vanalume, na vakulunu va vulemu vaka-kwendela a tuvalu.

Kulava 22:9

Co Njambi wezile kuli Mbalame nakumwihula ngwendi, “Ava vanu vanatundu kulijo ava vanatumbama nove?”

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.

Yoshwa 9:6

Ngecivene, vaile kuli Yoshwa ku cilombo ku Ngilingale vendekele kuli ikeye na kuli vanalume va vaIsalele ngwavo, “Yetu tutunda ku lifuti lya kulyala. Tushaka tulikumiiye cikumiiyo neni.”

Yoshwa 9:9

Vamukumbulwile ngwavo, “Shukulu, tutunda ku lifuti lya kulyala. Omwo tunazivi vya Shukulu Kalunga Njambi yeni, co twazivile lutsimo lwendi a vyuma vyoshe vije vyalingile mu Ingito,