2 Vimyene 2:8 - Livulu lya Shukulu Kalunga

⁸ Co Elinja washulwile cikoveyo cendi, wacizengele, wacipupile a mema, co mema alyangunukile akati, co nendi na Elisha vajavukilile musambwa a livu lyakuma.

2 Vimyene 2:8 Iomraidhean Croise

1 Vimyene 19:13

Omo Elinja walizivile, walifwikile cikoveyo cendi ku mesho watuukile anja, co wemanene ku cikolo ca linzenzengoma. Lijwi ngwalyo, “Elinja, vikajo ulinga kuno?”

1 Vimyene 19:19

Elinja waile wawanene Elisha alinakulima na mukana wa vingombe, kulutwe lwendi kwakele vanu vakele nakulimisa vingombe mikana likumi na umo. Co Elinja washulwile cikoveyo cendi, co wacifwikile Elisha.

2 Vimyene 2:14

Co wapupile cije cikoveyo a mema wendekele ngwendi, “Shukulu Kalunga Njambi ya Elinja ali kulijo?” Co welukililemo lalo kupupa a mema, mema alyangunukile, co wajavukile nakuya musambwa.

Kutuuka 14:29

Oloni vaIsalele vendele a livu lyakuma cau, co vendele mukati ka vivumbe vya mema noku-noku.

Isaya 11:15

Shukulu Kalunga akomisa Linema lya Suwezi, co akasana lihunzi lya ntwima kumisa cau Ndonga ya Yufuleti, kukasala lika vana va vindonga vatanu na vavali, ngecivene, munu woshe akasa kujavuka.

VaHevelu 11:29

Akukulaela, vanu va Isalele kwavasesele kujavuka Lishali Lyakuvenga ngwe a nunda yangoco, omo vaka-Ingito vesekele kucilinga, co voshe vanyongele.

VaHevelu 11:37

Vavashele mamanya, vavatetangele na visaa, vavatapele na mikwale. Vendanganene vanazala vilambu vya vimanga nambe vya vimembe, vapwile tuutu vavayandesele nakuvapangesa mwamuvi.

Kujombolola 16:12

Asinoni kangelo wamucitanu na umo wetilile lilonga lyendi a Ndonga yakama ya Yufuleti. Co ije ndonga yomine cau, mukwana ngila kuli vimyene vaje vatundilila mu ngangela.

1 Samwele 28:14

Co Saulu wamwihwile ngwendi, “Unalifu ngwe vika?” Co ikeye wamukumbulwile ngwendi, “Kakulukazi alinakutuukako, nazala cikoveyo cacilaja.” Co Saulu wazivukile ngeci uje wapwile Samwele, co wakulamene asi nakulemesa.