2 Vimyene 2:5 - Livulu lya Shukulu Kalunga

⁵ Co mbunga ya vaka-kwimanena vaje vakele mu Yeliko vaile kuli Elisha vamwihwile ngwavo, “Yove wazivuka ngeci ku litangwa lya lelo Shukulu Kalunga ambata shukulu yove nakumutwala ndi?” Elisha wakumbulwile ngwendi, “Eyo, njazivuka. Oloni olokeni kuluu.”

2 Vimyene 2:5 Iomraidhean Croise

Kushangumuka 48:19

Oloni ishe wavyanene, wendekele ngwendi, “Njizivuka munange, yange njazivuka. Vatekulwila va Manase lalo vakakala na vanu vavangi. Oloni ndolome yendi wa mwanike akapwa wakama kumuhyana, co vatekulwila vendi vakapwa muyati wakama.”

1 Vimyene 20:35

A lishiko lya Shukulu Kalunga, munu umo wa ku munga ya vaka-kwimanena va Njambi washikile mukwavo muka-kwimanena ngeci ngwendi amupupe. Oloni ikeye wavyanene,

2 Vimyene 2:3

Co mbunga ya vaka-kwimanena vaje vakele mu Mbetele vaile kuli Elisha vamwihwile ngwavo, “Yove wazivuka ngeci ku litangwa lya lelo Shukulu Kalunga ambata shukulu yove nakumutwala ndi?” Elisha wakumbulwile ngwendi, “Eyo, njazivuka. Oloni olokeni kuluu.”

2 Vimyene 4:1

Fwile wa munakazi wa mu munga ya vaka-kwimanena waile kuli Elisha wendekele ngwendi, “Mwane, munalume wange natsi! Ngwe muwazivukila ikeye wapwile munalume muka-kukomoka Njambi, oloni munalume uje yatambwile vimbongo vyendi naija, co ashaka kwambata vana vange vavali va vanalume ngeci akavapwise vindungo ku likongo lije lyatambwile munalume wange kuli ikeye.”

2 Vimyene 5:22

Co Ngehazi wamukumbulwile ngwendi, “Embwe, oloni shukulu yange nanjitumu kukuleka ngwendi vanu vavali lika va ku munga ya vaka-kwimanena va Njambi va mu lifuti lya malundu lya Efalime ololo vene vanatulu, co ashaka yove uvane mavundungulu 3,000 a siliva na vuzalo vuvali vwavuvwa manene.”

2 Vimyene 6:1

Litangwa limo vaka-kwimanena valekele Elisha ngwavo, “Ou mwela utunatungu unapu waundondo manene!

2 Vimyene 9:1

A simbu ije vene Elisha muka-kwimanena, wasanene mukwenje umo akati ka vaka-kwimanena, wendekele kuli ikeye ngwendi, “Livwaese ngeci uye ku Lamote mu Ngilyande. Ambata eli lilulu lya mazi a olive uye nalyo,

Muka-kwambulula 3:7

kuli simbu yakutavula, na simbu yakutonga, kuli simbu ya kwoloka kuluu, na simbu yakusimutwiya.

Isaya 41:1

Njambi alinakwendeka ngwendi, “Olokeni kuluu nakutolilila kuli yange, yeni muli mu mafuti a kulyala! Pweni vanu vakusimpa, shwenyeni kuno ngeci mwakwendeke. Ijeni tulikungulwile amo nakuyongola iya nashungamesa.

Amose 7:14

Co Amose wakumbulwile ngwendi, “Yange kesi nji muka-kwimanena wakwambulwila fweto embwe. Yange nji kanyungi, nji muka-kunyunga miti ya mikuyu.

Hambakuke 2:20

Shukulu Kalunga ali mu Njuvo yendi yakujela, ngecivene, munu woshe ali ano asi oloke kuluu ku mesho endi.

Luka 24:51

Omo wakele nakuvavezikisa, co walyangunukile navo vamutwalele mwilu.

Vilinga vya Miluwa 1:11

co vendekele ngwavo, “Eni vanalume va ku Ngalileya, omwo vikajo munemanena kuno nakukenga mwilu? Yesu ou vene, ivanatwala mwilu kutunda kuli yeni, akeluka lalo mu cifwa cije vene munamumono ayanaco mwilu.”

Vilinga vya Miluwa 1:2

nakweta a litangwa lije vamutwalele mwilu. Simbu kanda vamutwale mwilu, washikile na nzili ya Munzinzime Wakujela vanalume vaje vaangwile kupwa miluwa vendi.

Vilinga vya Miluwa 26:25

Oloni Paulu wakumbulwile ngwendi, “Kunjazalukile, Yove Mwene Fesitase! Njilinakwendeka majwi amavwa a vushunga.

1 Samwele 10:5

Asinoni ukaya ku Lilundu lya Njambi ku Ngimbeya, kukekwo kuli cilombo ca vaFilisitiya. Co omo uketa ku vukovelelo vwa nganda, ukaliwana na mbunga ya vaka-kwimanena vashelumuka kutunda ku mutula a lilundu, valinakwimba na tulyalya, na vingoma, na vimbendo, na visanzi. Vakambulula vuka-kwimanena.