2 Vimyene 2:23 - Livulu lya Shukulu Kalunga

²³ Co Elisha watundile ku Yeliko waile ku Mbetele, co a ngila vanike va vanalume vamo vatundile mu nganda vamushendumwine. Vatambekele ngwavo, “Tunda kuno, ove munalume wa lyandya!”

2 Vimyene 2:23 Iomraidhean Croise

Kushangumuka 21:9

Litangwa limo Ishimela, muna Avilahama, uje yakitile na Hangale kaIngito, wakele nakweha na Isake muna Sala.

2 Vimyene 2:11

Vakele nakusimutwiya oku valinakwenda, co vwasi-vwasi kwezile litemba lya tuhya lije livakokele tuvalu va tuhya, co Elinja vamutwalele mwilu na kakundu-kundu.

2 Vimyene 2:2

co a ngila Elinja wendekele kuli Elisha ngwendi, “Sala kuno, Shukulu Kalunga nanjitumu njiye ku Mbetele.” Oloni Elisha wamukumbulwile ngwendi, “Njilisinga ali Shukulu Kalunga wakuyoya na ali yove ngwange kunjikuseze embwe.” Ngecivene, vaile amo ku Mbetele.

2 Vimyene 2:22

Kutunda aje vene mema apwile amavwa, ngwe vene muje mwendekele Elisha.

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Yombi 19:18

Vanike valinakunjishaula nakunjijola omo vanjimona.

Yombi 30:1

“Oloni ololo vaje vanapu vanike kuli yange, valinakunjiyeluwisa! Vaishavo simbu yoshe kuvesi na seo ngeci kunjatavesele tutali twange kukwasa kunyunga vimanga.

Myaso 31:17

Shukulu Kalunga, shwamwa kesi injikole, omwo njilombela kuli yove, shwamwa ikole vaka-vuvi. Vanapande kwoloka kuluu mu vukalo vwa vatsi.

Myaso 31:18

Olwesa vaje vaka-makuli, na voshe vaka-kulyalesa na vaka-kulindula, vaje vendeka na kayengu kuli vaka-vushunga!

Myaso 35:15

Oloni omo njakele mu tuyando, voshe vavwaelelele, co valikungulwile nakunjishendumuna, vangenzi vanjipupangele, co vatwaleleo vene kunjipupanga,

Visimo 20:11

Vilinga vyavivwa nambe vilinga vyavivi vije vyalinga mwanike, visholola cifwa ca uje mwanike.

Visimo 22:15

Vulema vukasata mu vimbunge vya vanike, oloni kuvapupanga vivanzi vyakuvalongesa, co civutundisamo.

Visimo 22:6

Longesa mwanike ngila ije mwanapande kwendela, co omo nakolo kakatundumo.

Muka-kwambulula 11:10

Kesi mulishoshomwene mu vimbunge vyeni, nambe kuvavalesa vimbunge vyeni, omwo simbu ya vukwenje vweni inapu yaindondo.

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Isaya 3:5

Co vanu vakakala na muuka ku umo na mukwavo. Vakwenje kuvakasingimika vakulunu vavo, co vikolokomba kuvakasingimika vantwama vavo embwe.

Njelemiya 20:7

Shukulu Kalunga unanjikwisa, co nange vanjikwisile. Uli na nzili kunjituvakana yange, co unanjifungulula. Vanu voshe valinakunjishendumuna nakunjijola simbu yoshe.

Njelemiya 20:8

Omo njendeka, co njitambeka ngwange, “Vukalu nakunyonga!” Shukulu Kalunga simbu yoshe valinakunjishendumuna nakunjijola, omo njambulula lijwi lyove.

Njelemiya 7:18

Vanike vacava vitale, vanalume vavweka tuhya, co vanakazi vashinga vunga nakwoca makende a njambi wa munakazi uje ivatumbula ngwavo Lishano lya Mwilu. Co vetila lalo n̄ombelo ya vinyu kuli vinjambi veka, ngeci vanjizivise ku mbunge kuvavala.

Hoziya 10:15

Omu mukemwo mucikapwa kuli yeni vanu va ku Mbetele, omwo vuvi vuje vwakama vumunalingi. Omo nzita ikashangumuka, co mwene wa Isalele akatsa.”

Hoziya 10:5

Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

VaLevi 13:40

“Nga munalume najena vin̄ambu ku likosi nambe ku luholo lwendi,

Amose 3:14

“A litangwa lije omo njikanyanyamesa vanu va Isalele omwo vuvi vwavo, co njikanyongesa mitula ya Mbetele. Vimbango vya mutula na mutula woshe vikapokozoka nakuwila asi.

Amose 4:4

Shukulu Kalunga wa Akamwa ya Vyoshe alinakwendeka ngwendi, “Yeni vanu va Isalele, nga mushaka yeni ku mwela wakujela ku Mbetele mukalingileko vuvi! Nga mwasa yeni ku Ngilingale mukalingileko vuvi! Co neneni vin̄ombelo vyeni mutondo na mutondo, neneni cavulikumi ceni a litangwa lyoshe lyamucitatu.

Amose 5:5

Kesi muye ku Mbeleshemba nakukalemeselako. Kesi mukanjitondele ku Mbetele, omwo Mbetele ikapwa cuma cangoco. Kesi mukaye ku Ngilingale omwo vanu vendi vakaya ku vunzinda.”

Amose 7:13

Kesi wambulwile lalo vuka-kwimanena kuno ku Mbetele embwe. Ou unapu mwela wa mwene wakulemesela, njuvo ya njambi yendi yakulemesela vanu voshe va mu lifuti.”

Ngalatiya 4:29

A simbu ije uje mwana ivakitile ku cisemwa ca vanu wapakesele uje ivakitile omwo Munzinzime wa Njambi, co cinapu cuma cimolika ololo.

VaHevelu 11:36

Vamo vavashendumwine nakuvapupa, co veka lalo vavakutile mu malyenge nakuvaka mu kamenga.