2 Vimyene 19:4 - Livulu lya Shukulu Kalunga

⁴ Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

2 Vimyene 19:4 Iomraidhean Croise

Kushangumuka 22:14

Avilahama walukile lizina lya mutambela uje ngwendi “Shukulu Kalunga Aliwanena.” Co nameme ku lelo vene vanu valinakwendeka ngwavo, “A munkinda wa Shukulu Kalunga ikeye vavenya Shukulu Kalunga aliwanena.”

2 Samwele 16:12

Amo Shukulu Kalunga akamona tuyando twange, co akanjana vivezikiso kwingisa mu cisingo cendi.”

2 Vimyene 18:13

Mu mwaka wamulikumi na iwana omo Mwene Hezekiya washwanene, Senakelivi, mwene wa mu Asilya, walwisile vinganda vyakele mu cimpaka ca Yunda, co wavifungulwile.

2 Vimyene 19:16

Ololo Shukulu Kalunga, kenga a vyuma evi vilinakulingiwa kuli yetu, tolilila ku vyuma vyoshe vije vyalinakwendeka Senakelivi vyakushaula yove Njambi wakuyoya.

2 Vimyene 19:22

Yove unayongola ngwove iyajo iwunashaula nakuyeluwisa? Yove unanjizivisa shwamwa yange Njambi ya Isalele wakujela.

2 Vimyene 19:23

Yove watumine miluwa vove nakulishasha kuli yange ngwove na matemba ove oshe, wafungulwile minkinda yailaja ya Lembanone. Walishashele ngeci yove washinjile miti yailaja ya kendale, na miti yaivwa ya sipelese, co ngwove waketele ku vishwata vyakuzika manene.

2 Vimyene 19:3

Awa akewo majwi avalekele Hezekiya ngeci vaambulule kuli Isaya ngwavo, “Litangwa lya lelo linapu litangwa lya tuyando, vanatuhisa, co tuli mu vusiwa. Tunalifu na munakazi uje ashaka kukita, oloni kesi na nzili yakukita.

2 Vimyene 19:30

Co vaje vakasala mu Yunda vakayoya mwamuvwa, ngwe vimena vije vitwala mizi yavyo manene mu livu, co viima vushuka.

2 Vimyene 19:31

Mu Yelusalema mukakala vanu, co a Munkinda wa Siyone akakala vaje vanovoka, omwo Shukulu Kalunga nayongola vyuma evi ngeci visholoke.”

2 Vimyene 19:5

Omo Isaya watambwile majwi awa kuli Mwene Hezekiya,

2 Mizimbu 32:20

Asinoni Mwene Hezekiya na Isaya muka-kwimanena muna Amoze valombelele kuli Njambi nakutambeka manene ngeci avakwase.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 50:21

Vyuma vije vyoshe viwunalingi, yange njolokele kuluu, yove wayongwele ngeci yange njafwa ngwe yove. Oloni njikakwendekela nakukunungulwilavyo citona-mesho.

Myaso 74:18

Shukulu Kalunga, anuka muvali nakukujola vitozi, anuka muvali nakushaula, nakuyeluwisa lizina lyove.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Njelemiya 23:36

Ngecivene, kuvapandele kwendeka majwi ngwavo, ‘Citele ca Shukulu Kalunga,’ omwo nga umo alingamo, co mwa vushunga njikapangesa majwi ange ngeci akapwe citele kuli ikeye. Vanu vanaviisa majwi a Njambi yavo, ikeye Njambi wakuyoya Shukulu Kalunga Muka-nzili yoshe.

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Njelemiya 42:9

Co njendekele kuli vakevo ngwange, “Shukulu Kalunga, Njambi ya Isalele, kuje mwanjitumine ngeci njikamihwileye nendeka ngwendi,

Ezekiyele 36:37

Shukulu Kalunga wa Akamwa ya Vyoshe alinakwendeka ngwendi, “Yange njikatava lalo vaIsalele kulomba vukwasi kuli yange, co njikavatava lalo vaIsalele vakatume manene ngwe matanga a vimanga.

Loma 11:5

Ngecivene, cinapu cuma cimo vene na ololo, kuyicili mbunga yaindondo vanasalao vaje vaangwile Njambi omwo kutetela kwendi.

Loma 9:27

Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

Yoshwa 14:12

Ngeconi ololo, njane lifuti lya malundu lije lyanjikulaesele Shukulu Kalunga a litangwa lije omo yange na vanu vange twatwalele vukaleo. Co a simbu ije twakulekele ngeci uje muyati wa makisi-kisi uvatumbula ngwavo vaAnakime vakele kuje mu vinganda vya vivumbe vyavilaja. Nga Shukulu Kalunga akakala amo nange, co njikavasheka, ngwe muje mwendekele Shukulu Kalunga.”

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”

1 Samwele 17:10

Litangwa lya lelo njisana ku nzita mbunga ya mashwalale va vaIsalele. Anguleni munu umo akulwe nange!”

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:45

Ndaviti wamukumbulwile ngwendi, “Ulinakwija kuli yange na mukwale, na likunga, na cimbuya, oloni yange njilinakwija kuli yove mu lizina lya Shukulu Kalunga Muka-nzili yoshe, Njambi ya mashwalale va Isalele uje unashaula.