2 Vimyene 19:26 - Livulu lya Shukulu Kalunga

²⁶ Vanu vakelemo kuvakele na nzili, oloni vazeyele nakuziva lyova. Vafwile ngwe mwila wa mu lihya nambe ngwe shaku yakukolela a ciluli ca njuvo, co ipekumuka na lihunzi lyakutundilila mu ngangela.

2 Vimyene 19:26 Iomraidhean Croise

Kushangumuka 41:23

Asinoni mitwe itanu na ivali ya tiliku yamenene lalo, yakwekwiya nakujujwama nakwenya na lihunzi lya ntwima lya mu mambo.

Kushangumuka 41:6

Mitwe ikwavo itanu na ivali yamenene lalo, yakwekwiya nakwenya na lihunzi lya ntwima lya mu mambo.

Myaso 102:11

Matangwa ange anafu ngwe munzinze wa cingwezi, njinapu ngwe mwila wakuma.

Myaso 127:1

Nga Shukulu Kalunga kakwasa mukutunga njuvo, vipangi vya muka-kutunga vinapu vyangoco, nga Shukulu Kalunga kakwasa mukunyunga nganda, vaka-kunyunga vemana nakunyunga ngoco.

Myaso 92:7

nameme vaka-vuvi vakola ngwe mwila, na voshe vaka-kulinga vyavivi vakala na vufuko vwavungi, vakavanyongesa ku myaka yoshe,

Isaya 13:8

Vanu voshe vakalijujukila, vakakemanga ngwe munakazi akita mwana. Vakalikenga shwii umo na umo na lyova, co vihanga vyavo vikakala na shwamwa.

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

Njelemiya 51:30

Mashwalale va Mbambilone vanalikela kulwa, co vanatumbama ngoco mu vimpaka vyavo. Kuvesi na nzili yakulwa, vanapu ngwe vanakazi. Vitozi valinakutavozola vikolo vya nganda nakwenyeka vinjuvo vyavo na tuhya.

Njelemiya 51:32

Citozi nafungulula mitambela kwakujavukila, co nenyeka vimpaka. Co mashwalale va Mbambilone vanalishoshomwena.

Kulava 11:23

Co Shukulu Kalunga wamukumbulwile ngwendi, “Kuma nzili yange yakala naa ayahwila ndi? Cooni ololo ukamona nga evi njinendeka vikalingiwa nambe kuvikalingiwa!”

Kulava 14:9

Oloni kesi mutengulukile Shukulu Kalunga nambe kesi mutewe vanu vali muje. Tukavafungulula omwo Shukulu Kalunga ali netu, ikeye wafungulwile vinjambi vaje vavakulaelele, ngecivene, kesi muvazivile lyova embwe.”

Mateo 10:27

Evi vinjilinakumileka mu vushweke, mukavyendeka mu mbunga, co nevi mulinakuziva vyakuyeveta, vyambululeni ku lifuti lyoshe.

1 Petulu 1:24

Ngwe muvyendeka visoneka ngwavyo, “Vanu voshe vanapu ngwe mwila, co vumpau vwavo vwoshe vunapu ngwe vishani. Mwila ujujwama na vishani vitotomoka,