2 Vimyene 19:23 - Livulu lya Shukulu Kalunga

²³ Yove watumine miluwa vove nakulishasha kuli yange ngwove na matemba ove oshe, wafungulwile minkinda yailaja ya Lembanone. Walishashele ngeci yove washinjile miti yailaja ya kendale, na miti yaivwa ya sipelese, co ngwove waketele ku vishwata vyakuzika manene.

2 Vimyene 19:23 Iomraidhean Croise

2 Vimyene 18:17

Co mwene wa vaAsilya watumine mbunga ya mashwalale kutunda ku Lakishe kukalwisa Hezekiya ku Yelusalema, mbunga eyi vaitwamenenene kuli vamyata vendi vatatu. Omo vetele ku Yelusalema, co vashokele ngila kuje kwakele vaka-kupanga vinanga, ku ngenge ya kandonga kaje kakele nakutuwisila mema mu kashali ka akamwa ya lilundu.

2 Vimyene 18:23

Ngecivene, njikalinga lizivasano nove mu lizina lya mwene. Njikakwana tuvalu 2,000 nga uwana vanu vavangi vakuvalonda!

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

2 Mizimbu 26:10

Watungile lalo vimpaka vya tuposhi mushandangala yangoco, wacokwele masima amangi, omwo wakele na matanga amangi a vimuna mu lifuti lya ku vushelumukilo vwa malundu mu kangombe ka yambi na mu vyana. Omwo wazemene kulima, co watakamesele vanu ngeci valime mahya a mikolovozi ya vushuka vwa vinyu mu lifuti lya malundu nakulima livu lya vwilo.

2 Mizimbu 32:17

Co mwene wasonekele mukanda wakupopolola Shukulu Kalunga, Njambi ya Isalele, nakumushaula ngwendi, “Vinjambi va vaka-mafuti kuvaamenene vanu vavo ku livoko lyange, nameme njambi ya Hezekiya kasa kwamena vanu vendi ku livoko lyange.”

Myaso 20:7

Vamo vanakulaela mu matemba avo a nzita, co vakwavo lalo vanakulaela ku tuvalu twavo, oloni yetu tunakulaela nzili ya Shukulu Kalunga Njambi yetu!

Myaso 20:8

Vanu vangacije vakatanuka nakuwila asi, oloni yetu tukenduka nakwimana mbe!

Isaya 10:13

Mwene wa Asilya alinakulishasha ngwendi, “Vyoshe evi njavilingi ange lika. Njili na nzili na mana nakunyanyama. Njinazimangana vinginga akati ka miyati, co njinambata vufuko vuje vatulikile. Ngwe ngombe wa nkomba, njalyatangela vanu vaje vakele muje.

Isaya 10:14

Miyati ya mu kaye vafwile ngwe lishwa lya kazila, co njakungulwile vufuko vwavo mukwasiwa ngwe muvakakungulula mavunda. Kukwakele limbava lyendele nakunjizivisa lyova, kukwakele lalo kazila weshamesele kanwa kendi nakunjinyangumuna!”

Isaya 10:18

Shwata ya vwilo na shwata yakulima mahya vikanyonga, ngwe mu cifwa cije cakatsi munu ku mushongo wauvi.

Ndanyele 8:11

Yalyalesele lalo na kuli Ntwama wa nzita ya mwilu, nakuvindika vin̄ombelo vije vakele nakukombelela kuli ikeye, co yajwalesele Njuvo ya Shukulu Kalunga yakujela.