2 Vimyene 19:15 - Livulu lya Shukulu Kalunga

¹⁵ co walombelele ngwendi, “Shukulu Kalunga, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

2 Vimyene 19:15 Iomraidhean Croise

Kushangumuka 1:1

Akulivanga Njambi watangele lilu na kaye.

Kushangumuka 2:4

Ovu vukevwo vushangumukilo vwa lilu na asi na vyuma vyoshe vije vyatangele. Omo Shukulu Kalunga Njambi wamanesele kutanga lilu na asi na vyuma vyoshe vilimo,

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

Kushangumuka 33:20

Co kuje Yakomba watungile lalo mutula nakuuluka lizina lyawo ngwendi, “Njambi, ikeye Njambi ya Isalele.”

1 Vimyene 18:39

Omo vanu vamwene vije vyalingiwile, co voshe vatsikamene asi vatambekele ngwavo, “Shukulu Kalunga ikeye Njambi, Shukulu Kalunga lika ikeye Njambi!”

1 Vimyene 8:23

walombelele ngwendi, “Shukulu Kalunga Njambi ya Isalele, kukwesi njambi wakulifwa nove mwilu nambe asi wai! Yove wanyunga cikumiiyo cove ku vanu vove nakumwesa cizemo cove cije kucesi kutenguluka kuli vangamba vove omo vononoka kuli yove na vimbunge vyavo vyoshe.

2 Vimyene 19:19

Ololo, Shukulu Kalunga Njambi yetu, twamene ku movoko a vaAsilya, ngeci miyati yoshe ya mu kaye vazivuke ngeci yove lika Shukulu Kalunga, wapwa Njambi.”

2 Vimyene 5:15

Co welukilile kuli Elisha amo na vanu vendi voshe wendekele ngwendi, “Ololo njazivuka ngwange mu kaye mwoshe kumwesi Njambi kuvanga lika Njambi ya Isalele, ngeci mwane, tambula vwana vwange ngamba yove.”

1 Mizimbu 13:6

Co Ndaviti na vanu vaile ku nganda ya Mbala, ikeyo Kilyate Njealime, mu lifuti lya Yunda, kukashaka Cikasa ca Cikumiiyo ca Njambi, cije vatumbwile mu lizina lya Shukulu Kalunga Muka-nzili yoshe uje natumbama akamwa ya vakelumbi va mambava.

1 Mizimbu 4:10

Co Njaveze walombelele kuli Njambi ya Isalele ngwendi, “Njivezikise, Njambi, kunjana lifuti lyakama. Kala nange, co njinyunge ku vuvi vuje vwasa kunjiyandesa.” Co Njambi wamwanene vije vyalombele.

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

2 Mizimbu 20:6

walombelele na lijwi lyakama ngwendi, “Yove Shukulu Kalunga Njambi ya vakukulwila vetu, yove washwana mwilu na mafuti oshe a mu kaye. Yove wakala na nzili, naumo wai asa kukuyeluwisa.

2 Mizimbu 32:20

Asinoni Mwene Hezekiya na Isaya muka-kwimanena muna Amoze valombelele kuli Njambi nakutambeka manene ngeci avakwase.

Nehemiya 9:6

Asinoni vanu va Isalele valombelele lilombelo eli, “Yove Shukulu Kalunga, yove lika u Shukulu Kalunga, yove watangele melu na vingongonosi vya mwilu. Yove watangele nunda na mema a kalunga na vyuma vyoshe vilimo. Yove waanene mwonyo ku vyoshe. Vyoshe vili mwilu vikutsikamena nakukulemesa.

Myaso 102:25

Ku san̄ulu yove wajalele luvula lwa asi, co melu akewo vipangi vya mavoko ove.

Myaso 102:26

Vyoshe evi vikahwa, oloni yove kuuli, vikevyo lalo vikakula ngwe vuzalo. Yove ukavitengulula ngwe muukatengulula vuzalo, co vyoshe vikanyonga.

Myaso 146:6

Ishamatanga uje watangele lilu, na asi na mema a kalunga na vyoshe vije vilimo. Ikeye muka-kunyunga cikulaeso cendi simbu yoshe,

Myaso 33:9

Omwo ikeye wendekele lika na lijwi. Co vyuma vyoshe vyalingiwile, ikeye washikile, co vyuma vyoshe vavitangele.

Myaso 80:1

Yove Kanyungi ka Isalele, tolilila kuli yetu, tutolilile, yove ntwama ya vutanga. Yove unatumbama akamwa ya vakelumbi,

Myaso 80:2

sholola nzili yove ku miyati ya Efalime, na Mbenjemani, na Manase! Ija utwamene!

Myaso 99:1

Shukulu Kalunga ikeye mwene, miyati yoshe inapande kujaja! Natumbama a litanda lyendi lya vakelumbi va mambava, asi anapande kundunduma.

Kutuuka 25:22

Co njikakuwana muje mu Mbalaka Mwakuliwanena akamwa ya cifwiko ca mema ku mbunge, mukati ka vaje vakelumbi vavali va mambava, co njikakwana mashiko ange oshe aali vanu va Isalele.

Isaya 37:14

Mwene Hezekiya watambwile uje mukanda kuli vaje miluwa, co waulavele. Asinoni waile ku Njuvo ya Shukulu Kalunga, co waakele uje mukanda ku mesho a Shukulu Kalunga,

Isaya 41:17

“Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 44:8

Kesi muzive lyova vanu vange! Mwazivuka ngeci kutunda ku san̄ulu, nakweta ku visimbu vino vya ololo, njinendeka vyoshe vije vikalingiwa, co yeni munapu mu vakaleo vange! Kuma kuli njambi weka lalo ndi? Kuma kuli njambi weka lalo muka-nzili, uje kanda njizive ndi?”

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Njelemiya 32:17

“Shukulu Kalunga wa Akamwa ya Vyoshe, yove watangele kaye na melu na nzili yove yakama, na livoko lyove lyakwolola, kukwesi cuma cacikalu kuli yove cai.

1 Samwele 4:4

Ngecivene, vatumine miluwa ku Shilo vakashakele Cikasa ca Cikumiiyo ca Shukulu Kalunga Muka-nzili yoshe, uje ali akamwa ya vakelumbi. Co vana va Eli vavali, Hofene, na Finehase, vezile na Cikasa ca Cikumiiyo.