2 Vimyene 18:8 - Livulu lya Shukulu Kalunga

⁸ Wafungulwile vaFilisitiya, co walwisile membo avo, kutunda ku limbo lyalindondo nakweta ku nganda yakama, amo na Ngaza na membo aje azengelekele ku mutambela uje.

2 Vimyene 18:8 Iomraidhean Croise

1 Vimyene 5:4

Oloni ololo Shukulu Kalunga Njambi yange nanjana kwoloka ku vinginga vyange vyoshe. Kunjesi na vitozi, co lalo kukwesi vushonde vwakulwa.

2 Vimyene 17:9

VaIsalele valingile vyuma vije kashakele Shukulu Kalunga Njambi yavo. Vatungile mitambela yakulemesela vaka-kujeneka kukulaela mu vinganda vyavo vyoshe, kushangumuka ku limbo lyalindondo, kweta na ku nganda yakama.

1 Mizimbu 4:41

A simbu ya Mwene Hezekiya wa mu Yunda, vanu ava vavasonekele mazina vaile ku Ngelale, vasiwile vimbalaka nakunyongesa vanu vaje vakele kuje. Co vashekele vanu vamwo nakutunga muje myaka yoshe, omwo kuje kwakele mutambela wakama wakulila vimuna vavo.

2 Mizimbu 26:10

Watungile lalo vimpaka vya tuposhi mushandangala yangoco, wacokwele masima amangi, omwo wakele na matanga amangi a vimuna mu lifuti lya ku vushelumukilo vwa malundu mu kangombe ka yambi na mu vyana. Omwo wazemene kulima, co watakamesele vanu ngeci valime mahya a mikolovozi ya vushuka vwa vinyu mu lifuti lya malundu nakulima livu lya vwilo.

2 Mizimbu 28:18

A simbu ije vene vaFilisitiya vakele nakulwisa vinganda vya mu lifuti lya ku vushelumukilo vwa malundu mu kangombe ka yambi na mu mbwela ya lifuti lya Yunda. Vafungulwile vinganda vya Mbete Shemeshe, na Ainjalone, na Ngendelote, na vinganda vya Soko, na Timuna, na Ngimezo amo na membo avyo, co vatungile muje myaka yoshe.

Isaya 14:29

Vanu va mu Filisitiya, mulamu uje vamipupisile unapokoka, oloni kumwesi na cuma cakumivwaelelesa cai. Mulamu uje vene ukemuka wa vushungu, nakwimuka lalo linyoka ntoka wakupulula.

Isaya 5:2

Waliminemo nakutundisamo mamanya, co wakunine mikolovozi ya vushuka vwa vinyu yaivwa. Co watungile kaposhi kakuvingilila, wendile mbulu yakukamwinamo vinyu. Wavandamenene vushuka vuhye, oloni vushuka vwoshe vwapwile vwakukamata.

Kwituluka mu Mashiko 2:23

Lifuti lya ku ngenge ya Menditelenyani vatungilemo vanu vaje vatundile ku lin̄anda lya Kelete. Co vakevo vanyongesele vaAvime, vavenya lifuti, co vatambwile lifuti lyavo lyoshe kutunda ku mbwela nakweta na ku nganda ya Ngaza.)

Yoshwa 15:47

Co lalo kwakele Ashendonde na vinganda vyayo na membo ayo, na Ngaza na vinganda vyayo na membo ayo, vyetele na ku muna ndonga ku nginga ya Ingito na ku ngenge ya Lishali lya Menditelenyani.