2 Vimyene 18:6 - Livulu lya Shukulu Kalunga

⁶ Ikeye wakulaelele kuli Shukulu Kalunga, co wamwononokele, oloni wanyungile mashiko oshe aje Shukulu Kalunga waashikile ali Mosesa.

2 Vimyene 18:6 Iomraidhean Croise

2 Vimyene 17:13

Shukulu Kalunga watumine miluwa vendi na vaka-kwimanena kunangula Isalele na Yunda ngwendi, “Sezeni vingila vyeni vyavivi, ononokeni vizilika vyange vije vili mu Mashiko aje njanene kuli vakukulwila veni aje njaanene kuli yeni ali vangamba vange vaka-kwimanena.”

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 17:19

Oloni nameme vanu va Yunda kuvononokele mashiko a Shukulu Kalunga Njambi yavo, co vatembunwinine futisi ya vanu va Isalele.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Isaya 38:3

“Shukulu Kalunga, anuka ngeci yange njakupangela nakukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Njelemiya 11:4

Cinapu cikumiiyo cije njalikumiiye na vakukulwila vavo omo njavatundisile mu Ingito, lifuti lije lyafwile kuli vakevo ngwe tuhya twa mu lutengo. Njavalekele ngeci vanjononoke nakulinga vyuma vyoshe vije njashikile. Njavalekele ngwange nga munjononoka, co mukapwa vanu vange, nange njikapwa Njambi yeni.

Yowano 14:15

“Nga munjizema, mukononoka mashiko ange.

Yowano 14:21

“Woshe uje atambula mashiko ange nakuwononoka ikeye uje anjizema. Co Tate akazema woshe uje anjizema, nange lalo njikamuzema nakulisholola kuli ikeye.”

Yowano 15:10

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Yowano 15:14

Yeni munapu vasamba vange nga mulinga evi njimishika.

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Kwituluka mu Mashiko 10:12

“Co ololo, yeni vanu va Isalele, tolilileni kuli vije vyashaka Shukulu Kalunga Njambi yeni kuli yeni. Lemeseni Shukulu Kalunga Njambi yeni, nakwenda mu vingila vyendi vyoshe. Muzemeni nakumupangela na vimbunge vyeni vyoshe, na mwonyo weni woshe,

Kwituluka mu Mashiko 10:20

Ononokeni Shukulu Kalunga Njambi yeni nakumupangela. Kakateyeni kuli ikeye nakulisinga mu lizina lyendi lika.

Yoshwa 23:8

Oloni kakateyeni kuli Shukulu Kalunga Njambi yeni, ngwe muje mumwalingi kweta na lelo lino.

1 Yowano 5:3

Omwo cizemo cetu kuli Njambi cilumbunuka ngeci twononoke mashiko endi. Co mashiko endi kesi amakalu kuli yetu embwe,