2 Vimyene 18:5 - Livulu lya Shukulu Kalunga

⁵ Hezekiya wakulaelele kuli Shukulu Kalunga, Njambi ya Isalele, co mu Yunda kumwakele lalo mwene wakufwa ngwe ikeye, nambe kunima nambe kulutwe.

2 Vimyene 18:5 Iomraidhean Croise

2 Vimyene 18:19

Lambashake umo wa ali vamyata va vaAsilya wavalekele ngwendi mwene ashaka kuzivuka vika vinasimpisa Mwene Hezekiya ngacije.

2 Vimyene 19:10

wamulekele ngwendi, “Uje njambi iwakulaela nakuleke ngwendi kunjasa kukufungulula, oloni kesi ukulaele vyuma evi embwe.

2 Vimyene 23:25

Kukwakele lalo mwene wakufwa ngwe ikeye uje wapangelele Shukulu Kalunga na mbunge yendi yoshe na mana endi oshe na nzili yendi yoshe nakwononoka Mashiko oshe a Mosesa, co lalo kukwesi mwene wakulifwa nendi wai.

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

2 Mizimbu 20:35

A simbu imo Mwene Njosefati wa mu Yunda walingile vusamba na Mwene Ahaziya wa mu Isalele, uje walingile vyuma vyavivi manene.

Yombi 13:15

Cinyangavili cange coshe cinahu, ngecivene, nga Njambi anjitsiya, co kuli mulonga ndi? Yange njilinakwambulula mulonga wange kuli ikeye.

Myaso 13:5

Oloni njinakulaela cizemo cove cije kucesi kutenguluka, mbunge yange ikajolela omwo unanjovola.

Myaso 84:12

Yove Shukulu Kalunga Muka-nzili yoshe, vavezika vanu vaje vakulaela kuli yove!

Isaya 36:7

Uje mwata wa vaAsilya wendekele lalo ngwendi, “Amo yove unjileka ngwove unajendamena ali Shukulu Kalunga Njambi yove ndi? Hezekiya ikeye wasiwile tuzangu twakulemesela Shukulu Kalunga, amo na mitula, omo walekele vanu va mu Yunda na mu Yelusalema kukalemesela lika ku mutula wa mu Yelusalema.

Isaya 38:3

“Shukulu Kalunga, anuka ngeci yange njakupangela nakukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Mateo 27:43

Wakulaelele muli Njambi, co wendekele ngwendi, ‘Nji Muna Njambi.’ Asinoni tumoneni nga Njambi amwamena.”

Efeso 1:12

Ngecivene, yetu vakulivanga twakala na cinyangavili muli Kilistu, tushangazaleni vumpau vwa Njambi!