2 Vimyene 18:4 - Livulu lya Shukulu Kalunga

⁴ Watundisile mitambela ije vakele nakulemesela vaka-kujeneka kukulaela, wasiwile vimanda vya mamanya, co wavujwile vifwa vya Ashela njambi wa munakazi. Co lalo wapokwele mu vimbazuvwila linyoka wa vunengu uje yafulile Mosesa, ivatumbwile ngwavo Nehushetane. Kweta na ku simbu ije vanu va Isalele vakele nakwenyeka insense kusingimika uje linyoka.

2 Vimyene 18:4 Iomraidhean Croise

1 Vimyene 22:43

Ngwe mwalingile ishe Asa, ikeye walingile vije vyavivwa ku mesho a Shukulu Kalunga, oloni kanyongesele ije mitambela vakele nakulemesela vaje vaka-kujeneka kukulaela, co vanu vatwaleleo kukombelela nakwenyeka insense kuje.

2 Vimyene 10:26

vatundisilemo manda yakujela ije yakele muje, vayenyekele.

2 Vimyene 11:18

Asinoni vanu vaile ku njuvo ya Mbale nakuyisiwula, vashandwele mitula, na tumponya, co vatsiilile Matane, muka-kukombelela wa Mbale, kulutwe lwa mitula. Co Yehoyanda waakele vaka-kunyunga ku Njuvo ya Shukulu Kalunga,

2 Vimyene 12:3

Nameme ngoco, ije mitambela vakele nakulemesela vaje vaka-kujeneka kukulaela kuvainyongesele, co vanu vakele nakukombelelako vin̄ombelo nakwenyekelako insense.

2 Vimyene 14:4

Katundisile ije mitambela vakele nakulemesela vaje vaka-kujeneka kukulaela, co vanu vakele nakukombelelako vin̄ombelo nakwenyekelako insense.

2 Vimyene 15:35

Oloni katundisile ije mitambela vakele nakulemesela vaje vaka-kujeneka kukulaela, co vanu vakele nakukombelelako vin̄ombelo nakwenyekelako insense. Yotame ikeye watungile Cikolo ca ku Kunto ca ku Njuvo ya Shukulu Kalunga.

2 Vimyene 15:4

Oloni kanyongesele mitambela ije vakele nakulemesela vaje vaka-kujeneka kukulaela. Co vanu vakele nakukombelelako vin̄ombelo nakwenyekelako insense.

2 Vimyene 16:15

Asinoni Mwene Ahaze washikile Uliya ngwendi, “Ololo oni pangesa mutula wange wakama akulambula milambu ya kwenyeka ya mutondo na milambu ya cingwezi ya vimbuto na milambu ya kwenyeka na milambu ya vimbuto vya mwene na vanu na milambu ya vinyu ya vanu. Co itilao maninga a tusitu voshe vaje vavanakombelela. Oloni njitulikile mutula wa vunengu njakutaeleo.”

2 Vimyene 18:22

Uje mwata wa vaAsilya wendekele lalo ngwendi, “Amo yove unjileka ngwove unajendamena ali Shukulu Kalunga Njambi yove ndi? Hezekiya ikeye wasiwile tuzangu twakulemesela Shukulu Kalunga, amo na mitula, omo walekele vanu va mu Yunda na mu Yelusalema kukalemesela lika ku mutula wa mu Yelusalema.

2 Vimyene 21:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya, watungile mitula yakulemesela Mbale, co walingile cifwa ca Ashela njambi wa munakazi, ngwe mwalingile Mwene Ahave wa mu Isalele. Co lalo walemesele vingongonosi.

2 Vimyene 23:14

Mwene Yosiya wasiwile vimanda vya mamanya mu vimbazuvwila, wasiwile vifwa vya Ashela njambi wa munakazi, co a livu aje vemanene wafwikileo vitsiya vya vanu.

2 Vimyene 23:4

Yosiya washikile Hilikiya Muka-kukombelela Wakama na vaka-kukombelela vendi vakumwata na vaka-kunyunga ku cikolo ca Njuvo ya Shukulu Kalunga kutuwisa mu Njuvo ya Shukulu vivala vyoshe vije vivapangesele mukulemesa Mbale na Ashela njambi wa munakazi na vingongonosi. Co mwene wenyekelele vivala vyoshe evi anja ya nganda kuyehi na Cana ca Kindelone, asinoni vatwalele lito lyavyo ku Mbetele.

2 Mizimbu 19:3

Oloni nameme ngoco, vyavivwa vimo vavimwene muli yove. Omwo watundisile vifwa vyoshe vya Ashela njambi wa munakazi vije vivalemesele vanu, co uneseka kukava cizango ca Njambi.”

2 Mizimbu 31:1

Omo vamanesele ciwano, vanu voshe va Isalele vaile ku nganda na nganda ya mu Yunda nakushimbula vimanda vya mamanya, vavatozwele vifwa vya Ashela njambi wa munakazi, co vasiwile mitula na mitambela ije vakele nakulemesela vaka-kujeneka kukulaela. Co valingile cuma eci mu mitambela yoshe ya mu Yunda, na mu mafuti a Mbenjemani na Efalime na Manase, asinoni voshe velukile ku membo avo.

2 Mizimbu 33:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya. Watungile mitula yakulemesela Mbale, co walingile vifwa vya Ashela njambi wa munakazi, co walemesele vingongonosi.

Myaso 78:58

Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Kutuuka 23:24

Kesi mukatsikamene vinjambi vavo nakuvalemesa, co kesi mutembunwine futisi yavo yakulemesa. Nyongeseni vinjambi vavo nakusiwula mamanya a vimanda vyavo vyakulemesela.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

Isaya 36:7

Uje mwata wa vaAsilya wendekele lalo ngwendi, “Amo yove unjileka ngwove unajendamena ali Shukulu Kalunga Njambi yove ndi? Hezekiya ikeye wasiwile tuzangu twakulemesela Shukulu Kalunga, amo na mitula, omo walekele vanu va mu Yunda na mu Yelusalema kukalemesela lika ku mutula wa mu Yelusalema.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Kwituluka mu Mashiko 5:5

Co yange njemanene akati keni na Shukulu Kalunga a simbu ije kumileka vije vyendekele, omwo yeni mwakele na lyova lya tuhya, co kumwasele kulamata a munkinda. “Asinoni Shukulu Kalunga wendekele ngwendi,

Kwituluka mu Mashiko 7:5

Omu mukemwo mumukalinga navo, mukasiwula mitula yavo, nakuvujula vimanda vya mamanya vyakulemesela, nakuvatula viti vya Ashela njambi yavo wa munakazi, nakwenyeka tumponya twavo.

Maako 6:25

A vutsiki vuje vene, Shukulu Kalunga walekele Ngilyone ngwendi, “Ambata ngombe wa nkomba wa isho na ngombe wa nkomba mukwavo wa myaka itanu na ivali, co siwula mutula wa isho wa Mbale, co vatula manda ya Ashela, ije ili kumukulo wawo.

Maako 6:28

Omo vanu va muje mu limbo vendukile alikaki mutondo, vawanene mutula wa Mbale vanausiwula, na manda ya Ashela vanaivatozola, co na uje ngombe wa nkomba wamucivali vanamukombelela laja a mutula uje uvatungile kuje.