2 Vimyene 18:17 - Livulu lya Shukulu Kalunga

¹⁷ Co mwene wa vaAsilya watumine mbunga ya mashwalale kutunda ku Lakishe kukalwisa Hezekiya ku Yelusalema, mbunga eyi vaitwamenenene kuli vamyata vendi vatatu. Omo vetele ku Yelusalema, co vashokele ngila kuje kwakele vaka-kupanga vinanga, ku ngenge ya kandonga kaje kakele nakutuwisila mema mu kashali ka akamwa ya lilundu.

2 Vimyene 18:17 Iomraidhean Croise

2 Vimyene 14:19

Co mu Yelusalema mwakele vutumbe vwakutsiya Amaziya, ngecivene, watewelele ku nganda ya Lakishe, oloni vitozi vendi vamukavele, co vamutsiilile kuje vene.

2 Vimyene 18:16

co lalo walamunwine ngolinde ya ku vikolo vya Njuvo ya Shukulu Kalunga na ngolinde ije yafwikile a vimanda vya Njuvo ya Shukulu Kalunga, co waitumine yoshe kuli Senakelivi.

2 Vimyene 19:23

Yove watumine miluwa vove nakulishasha kuli yange ngwove na matemba ove oshe, wafungulwile minkinda yailaja ya Lembanone. Walishashele ngeci yove washinjile miti yailaja ya kendale, na miti yaivwa ya sipelese, co ngwove waketele ku vishwata vyakuzika manene.

2 Vimyene 19:6

co wamukumbulwile ngwendi, “Shukulu Kalunga nakuleke ngwendi kesi utave vaAsilya vakutewese na lingwavo lyavo ngeci ikeye kasa kumyamena embwe.

2 Vimyene 20:20

Vyuma vyoshe vije vyalingile Mwene Hezekiya na vilinga vyendi vyakunyanyama, na muje mwendile lishali lya mema na muna ndonga ngeci vinene mema mu nganda, vyoshe vavisoneka mu Livulu lya Mizimbu ya Vimyene va mu Yunda.

2 Mizimbu 12:4

Wafungulwile vinganda vya vimpaka vya mu Yunda, co waile kulutwe nakweta ku Yelusalema.

2 Mizimbu 32:9

Munima yevi, omo Senakelivi na mbunga ya mashwalale vendi vakele ku Lakishe, co watumine lijwi kuli Hezekiya na kuli vanu va mu Yunda vaje vakele mu Yelusalema ngwendi,

Isaya 20:1

Akushika kwa Mwene Salengoni wa Asilya, mukulunu muka-kushika mbunga ya mashwalale va Asilya walwisile Ashendonde nganda ya Filisitiya.

Isaya 36:2

Co washikile mwata wendi wakama vatunde ku Lakishe, vaye ku Yelusalema na mashwalale vavangi ngeci vakashike Mwene Hezekiya aliite. Mwata washokele ije ngila kuje vakele nakupanga vinanga, ku ngenge ya kandonga kaje kakele nakutuwisa mema mu kashali ka akamwa ya lilundu.

Isaya 7:3

Shukulu Kalunga wendekele kuli Isaya ngwendi, “Ya na munove Sheyale Njashumbe, mukaliwane na mwene Ahaze. Mukamuwana ku tapalo kuje kuvakapangela vaka-kutonga vinanga, ku shongo ya kapila kaje kali ku lishali lya ku vulamatelo.