2 Vimyene 18:12 - Livulu lya Shukulu Kalunga

¹² Samaliya yawile omwo vaIsalele kuvononokele Shukulu Kalunga Njambi yavo, oloni vapokwele cikumiiyo cije calikumiiye navo, co kuvononokele mashiko oshe aje avaanene Mosesa ngamba ya Shukulu Kalunga.

2 Vimyene 18:12 Iomraidhean Croise

1 Vimyene 9:6

Oloni nga yove nambe vatekulwila vove mukalikela kunjikava, kwononoka mashiko ange na vizilika vyange evi njinamyana, co mukalemesa vinjambi veka,

2 Vimyene 21:8

Co nga vanu va Isalele vononoka kushika kwange kwoshe nakunyunga Mashiko oshe aje avaanene ngamba yange Mosesa, co kunjikatava ngeci vavasheke mu lifuti lije linjanene vakukulwila vavo.”

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Myaso 107:17

Vamo vapwile vilema omwo vivi vyavo,

Myaso 78:10

Vakevo kuvanyungile cikumiiyo cavo na Njambi, vavyanene kwononoka mashiko endi.

Myaso 81:12

Ngecivene, njavatavele kulinga vizango vyavo.

Isaya 1:19

Nga mukanjononoka, co mukalya vyuma vyavivwa vije vikamena mu lifuti.

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Njelemiya 7:23

Oloni njavashikile lika ngwange nga vanjononoka, yange njikapwa nji Njambi yavo, na vakevo vapwe vanu vange, co vyuma vyoshe vikakala mwamuvwa kuli vakevo.

Ezekiyele 11:12

Co mukazivuka ngweni yange njapwa Kalunga, omwo kumwanyungile mashiko ange, nambe kulinga vije vinjamishikile, oloni munononoka mashiko a miyati ya vaje vanamizengeleka.”

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Amose 2:6

Shukulu Kalunga alinakwendeka ngwendi, “Vanu va Isalele vanalingi vuvi kushwakumo, omwo cuma eci mwa vushunga njikavanyanyamesa. Vakalandesa vanu va kulongwa ku vundungo vaje kuvasa kufweta makongo avo, vanu vakuutwa vaje kuvasa kufweta ndando ya vin̄aku.

Mika 3:4

Simbu ilinakwija omo mukalilila kuli Shukulu Kalunga, oloni kakamikumbulula, kakatolilila ku malombelo eni, omwo munalingi vuvi.

Kulava 12:7

oloni kesi ngoco na ngamba yange Mosesa. Ikeye wapwa wa kulongwa, njinamwana moko ya vanu vange voshe va Isalele.

Kwituluka mu Mashiko 11:28

Oloni vakamisinga, nga kumwononoka mashiko a Shukulu Kalunga Njambi yeni, nakutengulukila kweka nakulemesa vinjambi veka vaje kumwalemesele laja.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 31:17

Omo evi vinalingiwa, co njikaluvala navo manene nakuvaseza, co vakavanyongesa. Tuyando twakama tukavawana, asinoni vakananguka vyuma evi vikalingiwa, co vakazivuka ngwavo, Njambi waiho akati kavo, ngeci tuyando otu tunete ali vakevo.

Kwituluka mu Mashiko 34:5

Ngecivene, Mosesa, ngamba ya Shukulu Kalunga, watsililile kuje ku lifuti lya Mowavi, ngwe vene muje mwendekele Shukulu Kalunga.

Kwituluka mu Mashiko 8:20

Nga yeni kumwononoka Shukulu Kalunga, co mukanyonga ngwe muje Shukulu Kalunga mwakanyongesa miyati ije vali kulutwe kuje mulinakuya.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

2 Timateo 2:24

Ngwe ngamba ya Mwene, kuwapandele kupwa muka-vimata. Unapande kupwa muka-ngozi kuli voshe, mulongisi wamuvwa wa lukakateya,

Yoshwa 1:1

Omo Mosesa ngamba ya Shukulu Kalunga natsi laja, Shukulu Kalunga wendekele kuli Yoshwa muna Nune mukwasi wa Mosesa ngwendi,

1 Petulu 2:8

Co visoneka vikwavo vyendeka ngwavyo, “Eli linapu limanya lyakutanukisa vanu, likelyo limanya lije likavawisa.” Vatanukile omwo kuvakulaelele ku lijwi, eci capwile cizango ca Njambi kuli vakevo.

1 Petulu 4:17

Simbu inete ngeci kusompa kushangumuke, co vanu va Njambi vakevo vakalivanga kuvasompa. Nga kushangumukila kuli yetu, vatijo cikafwa akukotoka kuli vaje kuvakulaela ku Vin̄anda Vyavivwa vyakutunda kuli Njambi?