2 Vimyene 18:11 - Livulu lya Shukulu Kalunga

¹¹ Mwene wa vaAsilya watwalele vaIsalele ku Asilya kupwa vinzinda, co vamo wavaakele mu nganda ya Hala, vakwavo wavaakele kuyehi na Ndonga ya Hambole, ku mutambela wa Ngozane, co vakwavo wavaakele mu vinganda vya Mendiya.

2 Vimyene 18:11 Iomraidhean Croise

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

2 Vimyene 19:11

Unazivi laja vyakalingi mwene wa vaAsilya ku lifuti lyoshe lije lyanayongola kunyongesa. Kuma yove wayongola ngeci wasa kutewa ndi?

2 Vimyene 21:8

Co nga vanu va Isalele vononoka kushika kwange kwoshe nakunyunga Mashiko oshe aje avaanene ngamba yange Mosesa, co kunjikatava ngeci vavasheke mu lifuti lije linjanene vakukulwila vavo.”

2 Vimyene 23:27

Shukulu Kalunga wendekele ngwendi, “Njikalinga ku Yunda ngwe vije vinjalingile ku Isalele, njikatundisa vanu va mu Yunda ku mesho ange, co njikavyana Yelusalema, nganda ije injaangwile, na Njuvo yange mwela uje njendekele ngwange lizina lyange vakalilemesela kuje.”

1 Mizimbu 5:26

Ngecivene, Njambi wasingile mwene Pule wa Asilya (uje lalo ivatumbwile Tingelate Pilesele) kulwisa lifuti lyavo. Ikeye washekele miyati ya Luvena, na Ngande, na Manase wa mu ngangela, nakuvaka mu Halahe, na mu Hambole, na mu Hala, na ku ngenge ya Ndonga ya Ngozane.

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Isaya 10:11

Njinanyongesa Samaliya na tumponya twamwo twoshe, co njikalinga cuma cimo lalo na Yelusalema na tumponya tuje valinakulemeselamo.”

Isaya 10:5

Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 36:2

Co washikile mwata wendi wakama vatunde ku Lakishe, vaye ku Yelusalema na mashwalale vavangi ngeci vakashike Mwene Hezekiya aliite. Mwata washokele ije ngila kuje vakele nakupanga vinanga, ku ngenge ya kandonga kaje kakele nakutuwisa mema mu kashali ka akamwa ya lilundu.

Isaya 37:12

Vakukulwila vange vanyongesele vinganda vya Ngozane, na Halane, na Lezefe, co vatsiile vanu va ku Mbetendene vaje vakele mu Telasale, njambi yavo naumo wai wavamenene.

Isaya 7:8

Omwo vikajo? Omwo Silya kuyesi na nzili yakutuvakana Ndamasiku nganda yayo yakama, co lalo Ndamasiku kuyesi na nzili yakutuvakana Mwene Lezine. Ngeci ali Isalele ni, omo kwita myaka makumi atanu na umo na myaka itanu, vakashandoka kuyikapu lalo muyati.

Isaya 8:4

Simbu kanda mwanike azivuke kusana ‘Nana’ nambe ‘Tate,’ vufuko vwoshe vwa mu Ndamasiku na vyuma vya seo vyoshe vya mu Samaliya vakavyambata kuli mwene wa Asilya.”

Hoziya 9:3

Vanu va mu Isalele kuvakasala mu lifuti lya Shukulu Kalunga, oloni vakeluka ku Ingito, co vakalya vyakulya vyakujeneka kujela mu lifuti lya Asilya.

Amose 2:6

Shukulu Kalunga alinakwendeka ngwendi, “Vanu va Isalele vanalingi vuvi kushwakumo, omwo cuma eci mwa vushunga njikavanyanyamesa. Vakalandesa vanu va kulongwa ku vundungo vaje kuvasa kufweta makongo avo, vanu vakuutwa vaje kuvasa kufweta ndando ya vin̄aku.

Amose 5:6

Ilukeni kuli Shukulu Kalunga ngeci muyoye. Nga kumumushakezeka, co akaija ngwe tuhya ali vanu va Isalele. Tuhya tukenyeka vanu va ku Mbetele, co naumo wai akasa kutuzima.

Vilinga vya Miluwa 7:43

Co yapwile mbalaka ya njambi Moleki ije mwambatele, na cifwa ca Lefane, njambi yeni wa vingongonosi, ava vakevo tumponya tweni mwapangele ngeci muvalemese. Co njikamituma ku vunzinda musambwa ya Mbambilone.’