2 Vimyene 17:8 - Livulu lya Shukulu Kalunga

⁸ co vakavangeyeye futisi ya vanu vaje vaashekele Shukulu Kalunga omo vanu vendi vakele nakuya kulutwe, co vapangesele futisi ije ivanenele vimyene va mu Isalele.

2 Vimyene 17:8 Iomraidhean Croise

1 Vimyene 12:28

Omo Yelovowame wamanesele kuyongola evi, co wafulile vingombe vavali va ngolinde, co wendekele kuli vanu vendi ngwendi, “Simbu yoshe munakala nakuya ku Yelusalema mukulemesa. Eni vanu va Isalele, ava vakevo vinjambi veni vaje vamitundisile ku Ingito!”

1 Vimyene 21:26

Ikeye walingile vuvi vwa shwamwa yakama manene akulemesa tumponya, ngwe muvalingile vaAmoli, vaje vashekele Shukulu Kalunga mu lifuti nakulyana kuli vaIsalele.)

2 Vimyene 16:10

Omo Mwene Ahaze waile ku Ndamasiku nakuliwana na Tingelate Pilesele mwene wa Asilya, wakamwene mutula kuje, co wautembunwine nakuusoneka, co watumine cifwa cawo kuli Uliya muka-kukombelela,

2 Vimyene 16:3

wakavangeyeye vilinga vya vimyene va mu Isalele. Co wakombelelele munendi wa munalume kupwa n̄ombelo yakwenyekela ku tumponya, kutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

2 Vimyene 17:19

Oloni nameme vanu va Yunda kuvononokele mashiko a Shukulu Kalunga Njambi yavo, co vatembunwinine futisi ya vanu va Isalele.

2 Vimyene 17:40

Oloni vaje vanu kuvatolililile, anga vakavangeyeye futisi yavo yalaja.

2 Vimyene 21:2

Manase walingile vuvi ku mesho a Shukulu Kalunga akukavangeya vilinga vyavivi vya miyati ije yaashekele Shukulu Kalunga ku mesho a vanu vendi omo vakele nakukovela mu lifuti.

Myaso 106:35

oloni valyambatelele na ije miyati, co vatembunwine vilinga vya vaka-kujeneka kukulaela.

Kutuuka 23:24

Kesi mukatsikamene vinjambi vavo nakuvalemesa, co kesi mutembunwine futisi yavo yakulemesa. Nyongeseni vinjambi vavo nakusiwula mamanya a vimanda vyavo vyakulemesela.

Njelemiya 10:2

Shukulu Kalunga alinakwendeka ngwendi, “Kesi mukavangeye vingila vya miyati ya vanu veka, co kesi mujujuke a vizivukiso mumona mwilu, nameme miyati yeka vajaja.

Ezekiyele 5:6

Oloni Yelusalema vatengulukilile mashiko ange nakuwalwisa, co valingile manene vuvi kutuvakana miyati yeka, vakele na likamba lyakama kutuvakana mafuti aje avazengelekele. Yelusalema vavyanene mashiko ange nakuvyana kunyunga vizilika vyange.

Hoziya 5:11

Isalele valinakumuyandesa. Nazimbalesa lifuti lije lyapwile vufuko vwendi vavenya, omwo washakele manene kuya mukuwana vukwasi kuli vaje kuvasa kumwanavwo.

VaLevi 18:3

Kesi mukavangeye vilinga vya vanu va mu Ingito, kuje kumwakele, nambe vilinga vya vanu va mu lifuti lya Kanana, kuje njilinakumitwala.

VaLevi 26:1

Shukulu Kalunga wendekele ngwendi, “Kesi mukalishongele tumponya nambe kesi mukemike cifwa cimo cakushonga, nambe vimanda vya mamanya, nambe kulemesa mamanya akutaleka. Yange njapwa Kalunga Njambi yeni.

Mika 6:16

Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”

Kwituluka mu Mashiko 18:9

“Omo mukakovela mu lifuti lije lyakamyana Shukulu Kalunga Njambi yeni, kesi mukatembunwine vilinga vya vunyengwe vya miyati ya muje mumukakala.