2 Vimyene 17:4 - Livulu lya Shukulu Kalunga

⁴ Oloni ku mwaka umo Hosheya watumine miluwa kuli So, mwene wa Ingito, nakumulomba ngeci amukwase, co alikele kufweta mulambu wa a mwaka na mwaka kuli mwene wa Asilya. Omo Shalamanesele wanangukile, co wakwatele Hosheya nakumwaka mu kamenga.

2 Vimyene 17:4 Iomraidhean Croise

2 Vimyene 17:3

Mwene Shalamanesele wa Asilya wamulwisile, co Hosheya waliitile kuli Shalamanesele, wakele nakufweta mulambu kuli ikeye a mwaka na mwaka.

2 Vimyene 17:5

Asinoni Shalamanesele walwisile Isalele, co wazengelekele Samaliya. Mwaka wamucitatu wakuzengeleka Samaliya,

2 Vimyene 18:21

Yove ulinakuyongola ngeci Ingito ikukwasa, oloni eci cinapu ngwe munu apangesa lihongo kupwa mulamu, omo lipokoka, co likulengula mu livoko. Mukemwo mwanafu mwene wa Ingito omo munu ajendamena ali ikeye.”

2 Vimyene 24:1

Omo Yehoyakime wapwile mwene, co Mwene Nevukaneza wa ku Mbambilone walwisile Yunda, co Yehoyakime waliitile ku mashiko endi myaka itatu, asinoni Yehoyakime wamutengulukilile.

2 Vimyene 24:20

Co Shukulu Kalunga waluvalele manene na vanu va mu Yelusalema na mu Yunda ngeci wavatundisile ku mesho endi.

2 Vimyene 25:7

Vana va Zendekiya vavatsiile oku ishavo Zendekiya nakengeko, asinoni Nevukaneza wativile Zendekiya mesho, wamukutile malyenge, co wamutwalele ku Mbambilone.

2 Mizimbu 32:11

Hezekiya alinakumikwisa ashaka ngeci amitsiise ku njala na ku lihwila, omo alinakumileka ngwendi Shukulu Kalunga Njambi yeni akamyamena kuli yange mwene wa Asilya.

Hoziya 10:4

Vendeka majwi angoco nakulikumiiya vikumiiyo vya makuli nakulinga vusamba vwa makuli. Co vushunga vunemuka vuvi, vulinakukula ngwe shaku ya vushungu mu lihya livanalimi.

Hoziya 12:2

Shukulu Kalunga nawana mulonga ku vanu va mu Yunda, co lalo akanyanyamesa Isalele a vyuma vije vanu vendi valinakulinga. Akavalinga shambandinga a vije vivanalingi.

Hoziya 13:10

Mwalombele mwene na vantwama, oloni vatijo vasa kwamena lifuti?

Hoziya 8:10

Oloni ololo njikavakungulula nakuvanyanyamesa. Ololo vakalikotinga mukuvinjoka omo mwene wa Asilya akavayandesa.

Kwituluka mu Mashiko 28:36

“Shukulu Kalunga akamitwala, na mwene yeni uje mukaangula ku lifuti lya vungenzi, lije kumwazivukile yeni nambe vakukulwila veni. Kuje mukapangela vinjambi vakushonga va viti na mamanya.