2 Vimyene 17:37 - Livulu lya Shukulu Kalunga

³⁷ Simbu yoshe mukononoke mashiko nakushika kwawo kuje njamisonekelele, kesi mukononoke ku vinjambi veka,

2 Vimyene 17:37 Iomraidhean Croise

2 Vimyene 17:38

kesi mukevale cikumiiyo cije njalikumiiye neni.

1 Mizimbu 29:19

Ana munange Solomoni mbunge yakulumbunuka, ngeci anyunge vyuma vyoshe vije viwunamushiki, nakutunga Njuvo yove injinavwaesela cimweja vyuma vyakutungisa.”

VaLevi 19:37

Mukononoka kushika kwange kwoshe oku njinamishiki. Yange njapwa Kalunga.”

Kwituluka mu Mashiko 12:32

“Vyuma vyoshe vije vinjinamishiki mukavilinga nakunyanyama. Kesi mukawezeleleko cuma cimo nambe kutundisako cuma cimo embwe.

Kwituluka mu Mashiko 31:11

Mukawalavela vanu va Isalele omo vakaija nakulemesa Shukulu Kalunga Njambi yavo ku mwela umo wakumulemesela.

Kwituluka mu Mashiko 31:9

Ngecivene, Mosesa wasonekele mashiko a Njambi nakuwaana kuli vaLevi vaka-kukombelela, vaje vakele na moko yakwambata Cikasa ca Cikumiiyo ca Shukulu Kalunga, na kuli vakulunu voshe va Isalele.

Kwituluka mu Mashiko 5:22

“Awa akewo mashiko aje Shukulu Kalunga waanene kuli yeni voshe omo mwalikungulwile kuje ku munkinda, omo ikeye wendekele na lijwi lya nzili oku ali mukati ka tuhya mu lishelwa lije lyakuzivala. Co Shukulu Kalunga wamyanene mashiko awa. Kukwesi eka lalo awezeleleleko ayi. Co waasonekele a vitale vivali vya mamanya nakuvyana kuli yange.

Kwituluka mu Mashiko 5:31

Oloni yove Mosesa, kala nange kuno ngeci njikwane mashiko ange oshe nakushika kwange kwoshe, co vilongese ku vanu ngeci vakavyononoke mu lifuti lije linjikavana ngeci valishwane.’

Kwituluka mu Mashiko 5:32

“Ngecivene, nyanyameni kuvilinga ngwe omo mwanamishiki Shukulu Kalunga Njambi yeni. Kesi mukavyane kwononoka lishiko limo lyendi.

Kwituluka mu Mashiko 5:33

Ngecivene, ononokeni vije namishiki Shukulu Kalunga Njambi yeni ngeci mukayoye mwamuvwa nakuvezika nakutumisa matangwa eni mu lifuti lije mukashwana.

Maako 6:10

Co njamilekele ngwange yange njapwa Kalunga Njambi yeni, kumwapandele kulemesa vinjambi va vaAmoli, vaka-lifuti lije mulinakuyoyelamo. Oloni kumwanjitolilile.”