2 Vimyene 17:35 - Livulu lya Shukulu Kalunga

³⁵ Shukulu Kalunga walikumiiye cikumiiyo navo, co wavashikile ngwendi, “Kesi mukalemese vinjambi veka embwe, kesi mukavatsikamene nakuvalemesa nambe kuvapangela nambe kuvakombelela vin̄ombelo.

2 Vimyene 17:35 Iomraidhean Croise

2 Vimyene 17:15

Kuvononokele mashiko endi, kuvanyungile cikumiiyo cije calikumiiye na vakukulwila vavo, nakwononoka kunangula kwendi. Vapwile vanu vakujeneka seo omwo valemesele tumponya twakujeneka seo, nakukavangeya futisi ya miyati ije yavazengelekele, ije yatumbwile Shukulu Kalunga ngwendi kesi vakavatembunwine.

Kutuuka 20:3

“Kesi mulemese njambi weka kuvanga yange lika.

Njelemiya 10:5

Tumponya twa cifwa cangacije twafwa ngwe tumponya twa makwisiso twa mu lihya lya matanda, kutwasa kwendeka nambe kwenda kuvanga kutwambata. Kesi mutuzivile lyova embwe, kutwasa kumivulumuna, co lalo kutwesi na seo kuli yeni.”

Njelemiya 25:6

Vamilekele ngeci kesi mulemese nakupangela vinjambi vangoco, co kesi muluvalese Shukulu Kalunga akulemesa tumponya tuje tumunashongo. Nga mwononokele Shukulu Kalunga, nga kaminyanyamesele embwe.

Kwituluka mu Mashiko 5:2

Ku Munkinda wa Sinai Shukulu Kalunga Njambi yetu walingile netu cikumiiyo.

Kwituluka mu Mashiko 5:9

Kesi mukatsikamene tumponya, nambe kuvalemesa, omwo yange njapwa Kalunga Njambi yeni, Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kwituluka mu Mashiko 6:14

Kesi mukalemese vinjambi veka lalo embwe, nambe vinjambi va miyati ya vaje vakamizengeleka.

Yoshwa 23:16

Nga kumukanyungu cikumiiyo ca Shukulu Kalunga Njambi yeni cije camishikile, co nga mukapangela nakulemesa vinjambi veka nakuvatsikamena, vukalu vwa Shukulu Kalunga vukaija ali yeni, co mukanyonga vwasi mu lifuti lije lyalivwa lyanamyana.”

Yoshwa 23:7

co kesi mukalikumbasane na vanu ava vanasalao akati keni nambe kutumbula mazina a vinjambi vavo, nambe kulisinga a mazina a vinjambi vavo, nambe kulemesa vinjambi vaje, nambe kuvatsikamena embwe.

Maako 6:10

Co njamilekele ngwange yange njapwa Kalunga Njambi yeni, kumwapandele kulemesa vinjambi va vaAmoli, vaka-lifuti lije mulinakuyoyelamo. Oloni kumwanjitolilile.”