2 Vimyene 17:31 - Livulu lya Shukulu Kalunga

³¹ co vanu va ku Ivaha vashongele tumponya Nimbehaze na Taletake, co vanu va mu Sefalevaime vakombelelele vana vavo kupwa vin̄ombelo vya kwenyeka ku tumponya twavo Andalameleke na Anameleke.

2 Vimyene 17:31 Iomraidhean Croise

2 Vimyene 17:17

Vakombelelele vana vavo va vanalume na ava va vanakazi kupwa vin̄ombelo vyakwenyekela ku vinjambi va vaka-kujeneka kukulaela, co vakele nakwihula kuli vaka-kwendeka na vakulu na kuli vaka-kulukiya, valikundikile vakevo vavenya nakulinga vije vya vunyengwe ku mesho a Shukulu Kalunga, co vashangumwine vukalu vwendi.

2 Vimyene 17:24

Mwene wa Asilya wambatele vanu vaje vakele mu vinganda vya Mbambilone na Kute na Ivaha na Hamate na Sefalevaime, co wavaakele mu vinganda vya Samaliya kwinga muli vaIsalele vaje vavatwalele ku vunzinda. Co vambatele vinganda evi nakutungamo.

2 Vimyene 19:37

A litangwa limo, omo wakele nakulemesa mu njuvo ya njambi yendi Nisoloke, vana vendi vavali va vanalume, Andalameleke na Shalezele, vamutsiile na mikwale yavo, co vatewelele ku lifuti lya Alalate. Munendi Esalehandone wamushwanene kupwa mwene.

Ezela 4:9

“Mukanda ou utunda kuli yange nguvulu Lehume, na kuli Shimeshai muka-kusoneka wa lifuti, amo na vimbunga vyavo, na maako, na vamyata voshe, vakevo vanalume vakutunda ku Eleki, na ku Mbambilone, na ku Susa mu lifuti lya Elame,

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

VaLevi 18:21

Kesi ukatavese umo wa vana veni kumupangesa mukulemesa njambi Moleki, omwo ngila eyi ikashawisa lizina lya Njambi yeni, yange njapwa Kalunga.

Kwituluka mu Mashiko 12:28

Nyanyameni nakwononoka vyuma vyoshe vije vinjinamishiki ngeci mukavezike, yeni na vana veni, na vatekulwila veni ku myaka yoshe, omwo mukalinga vyavivwa na vije vikavwaelesa Shukulu Kalunga Njambi yeni.

Kwituluka mu Mashiko 12:31

Kesi mukalemese Shukulu Kalunga Njambi yeni mu cifwa cije vakalemesa naco vinjambi vavo embwe. Omwo valemesa vinjambi vavo, vakalingi vyuma vya vunyengwe vije vyazinda Shukulu Kalunga. Vakevo vakakombelela mu tuhya kuli vinjambi vavo nameme vana vavo va vanalume nambe vana vavo va vanakazi.