2 Vimyene 17:25 - Livulu lya Shukulu Kalunga

²⁵ Omo vakele muje akulivanga, kuvalemesele Shukulu Kalunga embwe, co Shukulu Kalunga wavatuminine vindumba, vatsiile vamo akati kavo.

2 Vimyene 17:25 Iomraidhean Croise

1 Vimyene 13:24

co walondeleo nakuya. Co a ngila, waliwanene na ndumba uje wamukwatele nakumutsiya. Muvila wendi walalele mu ngila, cimulu na ndumba vemanene kumukulo wawo.

1 Vimyene 20:36

Ngecivene, wendekele kuli ikeye ngwendi, “Omwo unavyana kwononoka lishiko lya Shukulu Kalunga, co kenga, omo ukaya ndumba akakukwata.” Co omo waile ndumba wamukwatele.

2 Vimyene 17:26

Co mwene wa Asilya vamulekele ngeci vaje vanu vaakele mu vinganda vya Samaliya kuvazivukile mashiko a njambi wa mu lifuti lije, ngeci njambi uje navatumina vindumba vaje valinakuvatsiya.

2 Vimyene 17:28

Ngecivene, muka-kukombelela umo wa kaIsalele uje watundile ku Samaliya vamwangwile kwiluka ku Isalele, wakakele mu Mbetele, co walongesele vanu mwakulemesela Shukulu Kalunga.

2 Vimyene 17:32

Vanu ava valemesele lalo Shukulu Kalunga, co vaangwile vanu akati kavo kupwa vaka-kukombelela ku mitambela ije vakele nakulemesela vaka-kujeneka kukulaela, nakukombelelako vin̄ombelo vyavo kuje.

2 Vimyene 17:34

Na lelo lino vacili nakukava futisi yavo ya laja. Kuvesi nakulemesa Shukulu Kalunga, co lalo kuvesi nakukava vizilika, nambe vilongesa, nambe mashiko aje aanene kuli vatekulwila va Yakomba, uje yalukile Isalele.

2 Vimyene 17:41

Ngecivene, vanu vaje valemesele Shukulu Kalunga, oloni valemesele lalo tumponya twavo, co na ku lelo lino vatekulwila vavo anga vacili nakulinga cifwa eci vene.

2 Vimyene 2:24

Co Elisha watengulukile, wavakengele na vukalu, wavasingile mu lizina lya Shukulu Kalunga. Co mu shwata mwatundile vambeya vavali va lwavo, vezile nakusanyozola vanike va vanalume vakupwa makumi awana na vavali.

Isaya 15:9

Ku nganda ya ku Ndimone ndonga inavenge na maninga, oloni Njambi akanena vukalu vwakama ali Ndimone. Eyo, kukakala kunyongesa kwakama mu Mowavi.

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Njelemiya 15:3

Yange Kalunga, njikavahisa na vyuma viwana vyakukomokesa vije vikalingiwa ali vakevo, vakavatsiila mu nzita, co mivila yavo vakaikokangeya tutali, na tuzila vakailya, na vikashama va mu shwata vakambulukuta vitsiya vyavo.

Njelemiya 5:6

Vanu vanatengulukila Njambi visimbu vyavingi, omwo vuvi vwavo vwavungi manene. Ngecivene, vitozi vakavalwisa ngwe vindumba nambe ngwe tungunga va mu mambo, vaje vitozi vakavandamena mu vinganda vya Yunda ngwe viingwe nakusanyozola sanyu-sanyu munu woshe akatuuka anja.

Ezekiyele 14:15

“Nambe nga njituma tusitu mukutsiya vanu, co lifuti likale mu vushonde, ngeci munu naumo wai ase kwitamo,

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

VaLevi 26:22

Co njikatuma tusitu vavavi akati keni, co vakevo vakatsiya vana veni, nakunyongesa vimuna veni, vakaseza lika vavandondo, na vingila vyeni vikapunda.

Yona 1:9

Yona wavakumbulwile ngwendi, “Yange nji kaHevelu. Njikalemesa Shukulu Kalunga, Njambi wa mwilu, uje watangele mema a kalunga na kaye.”

Yoshwa 22:25

Ikeye watavwile Ndonga ya Yondau kuyipwisa nginga akati ketu neni vanu va Luvena na Ngande. Kumwesi na mutambela muli Shukulu Kalunga.’ Ngecivene, alumo vatekulwila veni vakavindika vatekulwila vetu kulemesa Shukulu Kalunga.