2 Vimyene 17:20 - Livulu lya Shukulu Kalunga

²⁰ Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

2 Vimyene 17:20 Iomraidhean Croise

2 Vimyene 13:23

oloni Shukulu Kalunga wakele na ngozi na mema ku mbunge ali vakevo. Ikeye kavecelele ngeci vavanyongese embwe, oloni wavakwasele omwo ya cikumiiyo cendi kuli Avilahama na Isake na Yakomba. Ikeye kevalele vanu vendi embwe.

2 Vimyene 13:3

Ngecivene, Shukulu Kalunga waluvalele na Isalele, co watavele Mwene Hazayele wa ku Silya na munendi Mbenehandande kufungulula Isalele simbu ku simbu.

2 Vimyene 13:7

Njehoahaze kakele na mashwalale vasaleleo kuvanga lika vaka-kulonda a tuvalu makumi atanu, na matemba likumi, na vanalume 10,000 vaka-kwenda a mendi, omwo mwene wa Silya wanyongesele vakwavo voshe, wavalyatangelele ngwe likungu.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 17:15

Kuvononokele mashiko endi, kuvanyungile cikumiiyo cije calikumiiye na vakukulwila vavo, nakwononoka kunangula kwendi. Vapwile vanu vakujeneka seo omwo valemesele tumponya twakujeneka seo, nakukavangeya futisi ya miyati ije yavazengelekele, ije yatumbwile Shukulu Kalunga ngwendi kesi vakavatembunwine.

2 Vimyene 17:18

Shukulu Kalunga waluvalele na vaIsalele, co kashakele kuvamona, wasezele lika vumwene vwa Yunda.

2 Vimyene 18:9

Mu mwaka wamuciwana omo Hezekiya washwanene, ukewo wapwile mwaka wamucitanu na ivali washwanene Mwene Hosheya mu Isalele, Mwene Shalamanesele wa Asilya walwisile Isalele, co wazengelekele nganda ya Samaliya.

2 Vimyene 21:14

Njikakengesa nima vanu vaje vakasalao vacili nakuyoya, co vitozi vavo vakavafungulula nakupukula lifuti lyavo.

2 Vimyene 23:27

Shukulu Kalunga wendekele ngwendi, “Njikalinga ku Yunda ngwe vije vinjalingile ku Isalele, njikatundisa vanu va mu Yunda ku mesho ange, co njikavyana Yelusalema, nganda ije injaangwile, na Njuvo yange mwela uje njendekele ngwange lizina lyange vakalilemesela kuje.”

2 Vimyene 24:3

Eci calingiwile akushika kwa Shukulu Kalunga, ngeci anyongese vanu va mu Yunda avatundise ku mesho endi omwo vuvi vwoshe vuje vwalingile Mwene Manase,

1 Mizimbu 16:13

anukeni vizivukiso vije vyalingile Njambi, na visompeselo vije vyaanene.

Nehemiya 9:2

Vakevo valyangunukile laja na vaka-kwija voshe. Vazalele vikeleya nakulishuwila livu ku mitwe yavo kupwa cimweso cakuviilila. Asinoni vemanene nakulitavela vivi vije vivalingile vakevo na vakukulwila vavo.

Myaso 51:13

Asinoni njikalongese vaka-kuvulumuna mashiko ove, ngeci vakatengulukile kuli yove. Yove Njambi muyoyesi wange.

Myaso 53:5

Oloni vakaziva lyova lyakama, lyova lije kulyakeleko lalo, omwo Njambi akashandola vitsiya vya vitozi va vanu vendi. Mukavazivisa shwamwa omwo Njambi navavyana.

Myaso 80:13

Vyombo valinakuulyatangela na tusitu lalo valinakuulya.

Isaya 2:6

Yove Njambi unavyana vanu vove, vatekulwila va Yakomba! Lifuti lyavo linashulu na vilinga vya manseno vya ku ngangela na ku Filisitiya. Vanu valinakukava futisi ya vangenzi.

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 46:28

Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 52:3

Shukulu Kalunga waluvalele manene na vanu va mu Yelusalema na mu Yunda, ngeci wavazilwile kutunda ku mesho endi. Zendekiya watengulukilile Mwene Nevukaneza wa ku Mbambilone nakumulwisa,

Njelemiya 6:30

Vakavatumbula vinyanya vyangoco, omwo yange Kalunga njinavavyana.”

Njelemiya 7:15

Yeni vanu va mu Yunda, njikamisheka mu lifuti lyange ngwe munjashekele vavushoko vweni vanu va Isalele. Yange Kalunga, njinendekamo.”

Hoziya 1:6

Ngecivene, Ngomele wakele na mwana wamucivali lalo, a simbu eyi wapwile mwana wa munakazi. Co Shukulu Kalunga wendekele kuli Hoziya ngwendi, “Muluke lizina ngwove ‘Wakujeneka Kuzema,’ omwo kunjikamwesa lalo cizemo ku vanu va Isalele nambe kuvasambesa embwe.

Hoziya 12:3

Kukulwila yavo Yakomba walwile na munaina simbu vacili mwimo lya vaina, co omo Yakomba wakolele, walwile na Njambi.

Yona 1:10

Yona wavalekele muje mwatewele kuli Shukulu Kalunga. Vaka-kujavula vazivile manene lyova, co vamwihwile ngwavo, “Vikajo unalingilamo?” (Vazivukile ngeci natewa kuli Njambi, omwo navalekele laja.)

Yona 1:3

Oloni Yona watewelele ku Tashishi kutunda kuli Shukulu Kalunga. Co waile ku Yopa, kuje wakawaneneko vwato vwakama vuje vwakele nakuya ku Tashishi. Co wafwetele mwombo wa vungenzi vwendi, wakovelele mu vwato amo na vaka-kujavula ngeci aye ku Tashishi, akakale kulyala na Shukulu Kalunga.

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Kwituluka mu Mashiko 11:12

Shukulu Kalunga Njambi yeni ikeye wanyunga lifuti lije. Simbu yoshe mesho endi ali a lifuti lije kutunda kukushangumuka kwa mwaka nakweta kukuhwa kwawo.

Kwituluka mu Mashiko 32:20

Co wendekele ngwendi, ‘Kunjikavakwasa lalo embwe, ngeci njikamone vije vikalingiwa kuli vakevo, vanu vakukaluwa vimbunge, vanu vakujeneka kulongwa.

2 Tesalonika 1:9

Co vakayanda na n̄avava ya myaka yoshe, nakuvangununa ku mesho a Mwene na ku vumpau vwendi vwakama,

Yoshwa 23:13

mwa vushunga vene zivukeni ngweni Shukulu Kalunga Njambi yeni kakasheke lalo miyati eyi ili kulutwe lweni. Oloni, vakevo vakapwa vushonde kuli yeni ngwe mweto nambe ngwe mbulu, co vakamivavalesa ngwe makote ku vimati vyeni, ngwe mambimbo mu mesho eni. Noo mukanyonga mu lifuti eli lyalivwa lyanamyana Shukulu Kalunga Njambi yeni.

Maako 18:30

Vanalume va ku Ndani vemikile tumponya mukuvalemesa, co Yonatana, muna Ngeleshone, muna Mosesa, na vana vendi vapwile vaka-kukombelela ku muyati wa Ndani noo vavatwalele mu vunzinda.

Maako 2:14

Ngecivene, Shukulu Kalunga waluvalele manene na vaIsalele, co wavakundikile ku mavoko a vezi vaje vevile vyavo. Co Shukulu Kalunga wavakundikile ku vitozi vavo vaje vavazengelekele, ngeci kuvasele lalo kwimana ku mesho a vitozi vavo.

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 15:26

Co Samwele wamukumbulwile ngwendi, “Kunjiiluka amo nove, omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”